அதிமுகவில் தற்போது கோஷ்டி பூசல் உச்சத்தில் உள்ளது. யாருக்கு தலைமைப் பதவி என்பது தொடர்பான வழக்கில் ஓபிஎஸ் முதற்கட்ட வெற்றியை ஈட்டி இருப்பது அவரது ஆதரவாளர்கள் மத்தியில் மிகுந்த உற்சாகத்தை ஏற்படுத்தி உள்ளது.
இதன் தொடர்ச்சியாக சசிகலா, டிடிவி தினகரன் ஆகியோருக்கும் அழைப்பு விடுத்து, தனக்கான ஆதரவு வட்டத்தை ஓ.பன்னீர்செல்வம் பெருக்கி இருப்பது எடப்பாடி தரப்புக்கு வயிற்றில் புளியை கரைத்துள்ளது.
இந்த விவகாரத்தில் தலையிட்டு, அதிமுக ஒற்றைத் தலைமையாக தன்னை அறிவிக்க செய்யுமாறு பாஜக தலைமையிடம் எடப்பாடி விடுத்த கோரிக்கை காற்றில் பறந்ததாகவே சொல்லப்படுகிறது.
தற்போது மேல்முறையீடு வழக்கு மட்டும் ஒற்றை நம்பிக்கையாக உள்ள சூழலில், அதுவும் எடப்பாடி பழனிசாமிக்கு கை கொடுக்குமா? என்றால், சந்தேகம் என்றே கூறுகின்றனர்.
அப்படி இருக்கையில் அதிமுகவே தன்னை விட்டு போகும் நிலையை மறந்துவிட்டு ஓடிக்கொண்டே ‘விடியா அரசு.. விடியா அரசு’ என்று, எடப்பாடி பழனிச்சாமி திமுகவை கடுமையாக விமர்சனம் செய்து வருவது ஆதரவாளர்கள் மத்தியில் அதிருப்தியை ஏற்படுத்தி உள்ளது.
இந்நிலையில் ஒருபடி மேலே போய்
அரசு ஊழல் புகார் அளிக்க வேண்டும் என்றும், அதற்கு நேரம் ஒதுக்கித்தருமாறும் தமிழ்நாடு ஆளுநர் ஆர்.என்.ரவியிடம் ஓ.பன்னீர்செல்வம் கோரிக்கை வைத்துள்ளதாக தகவல் வெளியாகி உள்ளது.
அதற்கு ஆளுநர் ரவி, ‘நீங்கள் நினைப்பதுபோன்று எளிதில் கரைப்பதற்கு திமுக ஒன்றும் மணல் கோட்டை அல்ல. ஏற்கனவே எனக்கும், அவர்களுக்கும் பிரச்சனை போயிட்டு இருக்கு.
இந்த நேரத்தில் நீங்களும், நானும் சந்தித்து பேசினால் ‘அதிமுக உள்விவகாரத்தில் ஆளுநர் பஞ்சாயத்து’ என்ற டோட்டலா திசை மாறிவிடும் . ஓபிஎஸ்சுடன் ஆக வேண்டியதை பாருங்கள்’ என கூறி அப்பாயின்மெண்ட் தர மறுத்துவிட்டதாக கூறப்படுகிறது.
இந்த தகவல் அதிமுக வட்டாரத்தில் காட்டுத்தீயாக பரவி வருவதால் எடப்பாடி பழனிச்சாமி அணியில் உள்ள முக்கிய நிர்வாகிகள் கிலியில் உள்ளதோடு, ஓபிஎஸ் அணிக்கு செல்வதே இனி சிறந்ததாக இருக்கும் என முடிவெடுத்துள்ளதாக சூடான தகவல் சிறகை விரித்து பறக்கிறது. இதன் காரணமாக அதிமுக வட்டாரத்தில் பரபரப்பு உச்சக்கட்ட பரபரப்பு நிலவி வருகிறது.