விநாயகர் சதுர்த்தியை முன்னிட்டு ஆஸ்ட்ரேலிய கிரிக்கெட் வீரர் டேவிட் வார்னர் தனது வாழ்த்தை தெரிவித்துள்ளார். இந்தியா முழுவதும் இன்று விநாயகர் சதுர்த்தி விழா வெகு விமர்சையாக கொண்டாடப்பட்டு வருகிறது. பல்வேறு அரசியல் பிரமுகர்களும், திரை நட்சத்திரங்களும் கூட இதற்கு வாழ்த்து தெரிவித்து வருகின்றனர் .
இந்த நிலையில் ஆஸ்திரேலிய கிரிக்கெட் அணியின் வீரர் டேவிட் வார்னர் தனது இன்ஸ்டாகிராம் பக்கத்தில் விநாயகர் சதுர்த்தி வாழ்த்துகளை தெரிவித்து உள்ளார். இந்திய ரசிகர்கள் மத்தியில் வெளிநாட்டு கிரிக்கெட் வீரர்களில் டேவிட் வார்னருக்கு எப்போதும் தனி இடம் உண்டு.
குறிப்பாக இன்ஸ்டாகிராமில் அவரை லட்சக்கணக்கான இந்திய ரசிகர்கள் பின்தொடர்ந்து வருகின்றனர். ஐபிஎல் கிரிக்கெடில் ஐதராபாத், டெல்லி அணிகளுக்காக விளையாடி இந்திய ரசிகர்களின் அமோக ஆதரவை அவர் பெற்றுள்ளார்.
இந்த நிலையில் விநாயகர் சதுர்த்தி விழாவை முன்னிட்டு வார்னர் வெளியிட்டுள்ள இன்ஸ்டாகிராம் பதிவில், “எனது நண்பர்கள் அனைவருக்கும் விநாயகர் சதுர்த்தி வாழ்த்துக்கள். நீங்கள் அனைவரும் மகிழ்வுற்று இருக்க விரும்புகிறேன்” என தெரிவித்து உள்ளார். இது இந்திய கிரிக்கெட் ரசிகர்கள் மத்தியில் பெரும் வரவேற்பை பெற்றுள்ளது.