பாஜக ரூ.20 கோடி பேரம் பேசியதாக ஆம் ஆத்மி எம்எல்ஏக்கள் குற்றம் சாட்டியுள்ளனர். டெல்லி கல்வி அமைச்சர் சிசோடியா விவகாரம் முதல் டெல்லியில் ஆம் ஆத்மி எம்.எல்.ஏ.க்களை விலைக்கு வாங்கி ஆட்சியை கவிழ்க்க சதி நடப்பதாக முதல்வர் கெஜ்ரிவால் குற்றம் சாட்டினார்.
பாஜக தங்களிடம் ரூ.20 கோடி பேரம் பேசியதாக ஆம்ஆத்மி எம்.எல்.ஏ.க்கள் சிலர் குற்றம் சாட்டினர். இந்த நிலையில் பேரம் பேசியதாக சொல்லப்படும் ஆம் ஆத்மி எம்.எல்.ஏ.க்களிடம் உண்மை கண்டறியும் சோதனை நடத்த வேண்டும் என்று பாஜக வலியுறுத்தி உள்ளது. இது தொடர்பாக அந்த கட்சி எம்.பி.
மனோஜ் திவாரி கூறும்போது, “மதுபான கொள்கை விவகாரத்தில் ஆம் ஆத்மி தலைவர்கள் தொடர்ந்து தங்களது அறிக்கைகளை மாற்றி வருகின்றனர் என்றும் . பாஜக ரூ.20 கோடி பேரம் பேசியதாகவும் குற்றச்சாட்டை கூறி இருப்பதால் இந்த விவகாரம் குறித்து தடயவியல் விசாரணைக்கு உத்தரவிட்டு அவர்களிடம் உண்மை கண்டறியும் சோதனை நடத்தப்பட வேண்டும்” என்றார்.
இச்சம்பவம் டெல்லி அரசியலில் பெரும் பரபரப்பை ஏற்படுத்தியுள்ளது…