தமிழ் இலக்கியத்தின் மணிமகுடம் என்று பலரால் கருதப்படும் பொன்னியின் செல்வன் நாவலை திரைப்படமாக்க எம்ஜிஆர், கமல் உள்ளிட்டோர் முயன்றனர். ஆனால் அவர்களது முயற்சி பலிக்கவில்லை. இதனையடுத்து மணிரத்னம் இயக்கத்தில் லைகா தயாரிப்பில் பொன்னியின் செல்வன் உருவாகியுள்ளது. இப்படம் இரண்டு பாகங்களாக வெளியாகவிருக்கிறது. பொன்னியின் செல்வனில் விக்ரம், ஜெயம்ரவி, கார்த்தி,பிரகாஷ் ராஜ், சரத்குமார், ஐஸ்வர்யா ராய்,த்ரிஷா உள்ளிட்ட பலர் நடித்திருக்கின்றனர். செப்டம்பர் 30ஆம் தேதி வெளியாகவிருக்கிறது. ஏ.ஆர்.ரஹ்மான் இசையமைத்திருக்கிறார். படம் வெளியாக இன்னும் 25 நாள்கள் இருப்பதால் அடுத்தடுத்த அப்டேட்டுகளையும், புரோமோஷன் பணிகளையும் பொன்னியின் செல்வன் குழு தொடங்கியுள்ளது.
சமீபத்தில் பொன்னியின் செல்வனின் டீசர் வெளியீடு பிரமாண்டமாக நடந்தது. டீசரை பார்த்த ரசிகர்கள் நிச்சயம் படம் மாபெரும் வெற்றி பெறும் என கூறிவருகின்றனர். அதேசமயம், படத்தின் கதாபாத்திர பெயர்கள் மீதும், லுக்குகள் மீதும் சிலர் அதிருப்தியையும் தெரிவித்துவருகின்றனர். இருந்தாலும் படத்தின் மீதான எதிர்பார்ப்பு பலருக்கும் அதிகரித்துள்ளது.
அதேபோல் படத்தின் இரண்டு பாடல்களும் வெளியாகி ரசிகர்களிடையே வரவேற்பை பெற்றுள்ளன. படத்தின் மற்ற பாடல்களும், ட்ரெய்லரும் செப்டம்பர் 6ஆம் தேதி வெளியாகவிருக்கிறது. இதில், முதலமைச்சர் மு.க. ஸ்டாலின், ரஜினி, கமல் உள்ளிட்டோர் கலந்துகொள்வார்கள் என எதிர்பார்க்கப்படுகிறது.
Soft as the wind, mighty as the ocean Meet #AishwaryaLekshmi as Samudrakumari Poonguzhali
The Grand audio and trailer launch of #PS1 September 6th at The Nehru Indoor Stadium!#PonniyinSelvan #CholasAreComing#ManiRatnam @arrahman @madrastalkies_ @LycaProductions @Tipsofficial pic.twitter.com/ADMGVCSBN7
— Lyca Productions (@LycaProductions) September 3, 2022
இந்நிலையில் பொன்னியின் செல்வன் படத்தில் நடிகை ஐஸ்வர்யா லட்சுமி நடித்துள்ள பூங்குழலி கதாபாத்திரத்தின் போஸ்டரை படக்குழு வெளியிட்டுள்ளது. இதுதொடர்பாக சிறிய வீடியோ ஒன்றை பகிர்ந்துள்ள படக்குழு அந்த பதிவில், “காற்றைப் போல் மென்மையும், சமுத்திரத்தைப் போல வலிமையும் நிறைந்த சமுத்திரகுமாரி பூங்குழலியாக நடித்துள்ள ஐஸ்வர்யா லட்சுமியை சந்திக்கவும்!” என்று பதிவிட்டுள்ளது. இந்த வீடியோ தற்போது இணையத்தில் வைரலாகி வருகிறது.