20 வருட சரிவில் யூரோ.. ரஷ்யா செய்த வினை..!

யூரோ – டாலர்

யூரோ திங்கட்கிழமை வர்த்தகத்தில் 0.70 சதவீதம் சரிந்து 0.9884 டாலராக இருந்தது, இது டிசம்பர் 2002 க்குப் பிறகு மிகக் குறைவான அளவாகும். இந்த ஆண்டின் தொடக்கத்தில் இருந்து ஐரோப்பிய நாணயம் டாலருக்கு எதிராகத் தொடர்ந்து பலவீனமடைந்து வருகிறது.

ரஷ்யா

ரஷ்ய எரிவாயு நிறுவனமான காஸ்ப்ரோம் வெள்ளிக்கிழமை, வார இறுதியில் திறக்கப்படவுள்ள நார்ட் ஸ்ட்ரீம் பைப்லைன்-ஐ காலவரையின்றி மூடப்பட்டிருக்கும் என்று கூறியது. இது ஐரோப்பிய பொருளாதாரத்திற்கும் பெரும் அதிர்ச்சியை ஏற்படுத்தியுள்ளது என்றால் மிகையில்லை.

 

எண்ணெய் கசிவு

ஏற்கனவே திட்டமிடப்பட்ட மூன்று நாள் பராமரிப்பு நடவடிக்கையின் போது ஒரு டர்பைனில் எண்ணெய் கசிவு இருப்பதைக் கண்டுபிடித்ததாகவும், அதைச் சரிசெய்யும் வரை பைப்லைன் குழாய் மூடப்பட்டிருக்கும் என்றும் அறிவித்துள்ளது.

நார்ட் ஸ்ட்ரீம் பைப்லைன்

பால்டிக் கடலுக்கு அடியில் செயின்ட் பீட்டர்ஸ்பர்க் அருகில் இருந்து ஜெர்மனிக்குச் செல்லும் குழாய் வழியாக எரிவாயு விநியோகம் சனிக்கிழமையன்று மீண்டும் தொடங்குவதாக இருந்தது. ஆனால் தற்போது ரஷ்யா எண்ணெய் கசிவு இருப்பதாகக் கூறி எரிவாயு விநியோகத்தைத் துண்டித்துள்ளது.

சீமென்ஸ் டர்பைன்

கனடாவில் பழுதுபார்க்கப்பட்ட சீமென்ஸ் டர்பைன் ரஷ்யா-வுக்குத் திரும்புவதைத் தடுத்துள்ள ஐரோப்பிய பொருளாதாரத் தடைகள் காரணமாக நோர்ட் ஸ்ட்ரீம் பைப்லைன் வழியாக விநியோகம் குறைக்கப்பட்டு உள்ளதாக ரஷ்யா குற்றம் சாட்டியுள்ளது.