மருத்துவ படிப்பிற்கான நீட் நுழைவுத்தேர்வு முடிவுகள் (
Results 2022) இன்று மாலை வெளியாகிறது. நீட் தேர்வு எழுதிய சுமார் 17.78 லட்சம் மாணவ, மாணவிகளின் தேர்வு முடிவுகளை இன்று தேசிய தேர்வு முகமை (NTA) வெளியிட உள்ளது.
30 ஆவது இடம்:
மருத்துவப் படிப்புக்கான நீட் நுழைவுத் தேர்வு முடிவுகள் வெளியாகி உள்ளன. இதில் ராஜஸ்தான மாநிலத்தைச் சேர்ந்த தனிஷ்கா என்ற மாணவி தேசிய அளவில் முதலிடத்தை பிடித்துள்ளார். டெல்லி, கர்நாடகா ஆகிய மாநிலங்களை சேர்ந்த மாணவர்கள் இரண்டு மற்றும் மூன்றாம் இடத்தை பிடித்துள்ள நிலையில், தமிழகத்துக்கு தேசிய அளவில் 30 ஆவது இடம்தான் கிடைத்துள்ளது.
மதுரையை சேர்ந்த திரிதேவ் விநாயகா என்ற மாணவர் 705 மதிப்பெண்களுடன் மாநில அளவில் முதலிடமும், தேசிய அளவில் 30 ஆவது இடத்தையும் பிடித்துள்ளார். இவருக்கு அடுத்தப்படியாக எம்.ஹரிணி என்ற மாணவி 702 மதிப்பெண்களுடன் 43 இடத்தை பிடித்துள்ளார்.
தமிழில் தேர்வு :
தமிழ், தெலுங்கு, மலையாளம், உருது, ஆங்கிலம், மராத்தி உள்ளிட்ட 13 மொழிகளில் நீட் தேர்வு நடத்தப்படுகிறது. இதில் நிகழாண்டு தேர்வில் பங்கேற்ற தமிழகத்தைச் சேர்ந்த மொத்தம் 1.32 லட்சம் மாணவ, மாணவியர்களில் 32 ஆயிரம் பேர் தமிழில் தேர்வு எழுதினர. கடந்த ஆண்டை ஒப்பிடும்போது இந்த எண்ணிக்கை சுமார் 62% அதிகமாகும்.
தேர்ச்சி விகிதம் சரிவு:
தமிழில் தேர்வு எழுதிய மாணவர்களின் எண்ணிக்கை அதிகரித்துள்ள நிலையில் தேர்ச்சி விகிதம் சரிந்துள்ளது. தமிழகத்தில் மொத்தம் 1,32, 167 மாணவர்கள் தேர்வெழுதி இருந்த நிலையில் 67,789 (51.2%) பேர் தேர்ச்சி பெற்றுள்ளனர். இதுவே கடந்த ஆண்டு, நீட் தேர்வில் தமிழகத்தின் தேர்ச்சி விகிதம் 57.4% சதவீதமாக இருந்தது.
இளநிலை மருத்துவ படிப்பிற்கான (MBBS) நீட் நுழைவு தேர்வு ஜூலை 17 ஆம் தேதி, நாடு முழுவதும் மொத்தம் 497 நகரங்களில் 3,800-க்கும் மேற்பட்ட தேர்வு மையங்களில் நடைபெற்றது. நாடு முழுவதும் 18,72,343 பேர் விண்ணப்பித்து, 17,78,725 பேர் இத்தேர்வை எழுதினர். தமிழகத்தில் சென்னை, கோவை, மதுரை, திருச்சி, உட்பட 18 நகரங்களில் நடைபெற்ற தேர்வில் .32 லட்சம் பேர் பங்கேற்றனர்.
நீட் தேர்வு (Neet Result) முடிவகள் தற்போது வெளியாகி உள்ளதையடுத்து, நாடு முழுவதும் உள்ள 612 மருத்துவக் கல்லூரிகளில் மொத்தம் உள்ள 91,000-க்கும் அதிமான MBBS இடங்களுக்கும், 313 பல் மருத்துவக் கல்லுரிகளில் உள்ள 26,773 BDS இடங்களுக்கும் கலந்தாய்வு நடத்தப்பட்டு மாணவர்கள் தேர்வு செய்யப்படுவார்கள். எம்பிபிஎஸ் இடங்களைப் பொறுத்த வரையில், 43,915 இடங்கள் தனியார் கல்லூரிகளிலும், 48,012 இடங்கள் அரசு கல்லூரிகளிலும் உள்ளன.
எம்பிபிஎஸ், பிடிஎஸ் மொத்த இடங்களில், 15% அகில இந்திய மருத்துவ ஒதுக்கீடு ஆகும். மத்திய கல்வி நிறுவனங்களில் உள்ள 100% இடங்கள், மத்திய பல்கலைக்கழகங்களில் உள்ள இடங்கள், எய்ம்ஸ்/ஜிப்மர் போன்ற பல்கலைக்கழகங்களில் உள்ள மருத்துவ இடங்களுக்கான மாணவர் சேர்க்கை அகில இந்திய ஒதுக்கீட்டின் கீழ் நடைபெறும்.