விஜய்யுடன் இருக்கும் போட்டோ, லவ்லியா ஒரு கேப்ஷன்: ட்ரெண்டாகும் எஸ்ஏசியின் முதல் ட்வீட்டர் பதிவு

மகனை தூக்கிவிட்ட தந்தை

கோலிவுட் ரசிகர்களின் தளபதியாக மாஸ் காட்டி வரும் விஜய்க்கு, ஆரம்ப காலங்களில் பெரும் பலமாக இருந்தது அவரது தந்தை எஸ்ஏ சந்திரசேகர் தான். தந்தை எஸ்ஏசியும், அம்மா ஷோபனாவும் விஜய்யை சினிமாவில் அறிமுகப்படுத்தியதோடு, அவருக்கான வெற்றிப் பாதையையும் அவர்களே அமைத்துக்கொடுத்தனர். அதன்பின்னர் விஜய் பல முன்னணி இயக்குநர்களின் படங்களில் நடித்து, இன்று டாப் ஸ்டாராக வலம் வருகிறார்.

எஸ்ஏசி விஜயகாந்த் வெற்றிக் கூட்டணி

சட்டம் ஒரு இருட்டறை படம் மூலம் இயக்குநராக அறிமுகமான எஸ்ஏசி, போலீஸ் ஸ்டோரி, க்ரைம் திரில்லர் ஜானர்களில் படங்களை இயக்குவதில் கில்லாடி. அவரும் கேப்டன் விஜயகாந்தும் இணைந்துவிட்டால், அந்தப் படம் சூப்பர் டூப்பர் ஹிட்தான் என்பதில் சந்தேகமே இல்லை. அப்படி விஜயகாந்த் நடித்த படங்களில், அவரது சிறுவயது பாத்திரத்தில் விஜய்யும் நடித்திருப்பார். இயக்குநராக அசத்திய எஸ்ஏசி, தற்போது நடிகராகவும் பயணித்து வருகிறார்.

விஜய்க்கும் எஸ்ஏசிக்கு பிரச்சினை?

தன் கேரியரில் பக்கபலமாக இருந்த தந்தை எஸ்ஏசியுடன், விஜய்க்கு மனவருத்தம் ஏற்பட்டதாக சொல்லப்படுகிறது. விஜய் படங்களில் கதைகளை கேட்பது, விஜய் மக்கள் இயக்கம், அரசியல் பயணம் என எஸ்ஏசியின் தலையீடுகள் அதிகம் இருந்ததால், தற்போது இருவருக்குள்ளும் பேச்சுவார்த்த இல்லை எனவும் சொல்லப்படுகிறது. இதனை உறுதிசெய்யும் விதமாக, சில நாட்களுக்கு முன், விஜய்யின் தந்தை எஸ்ஏசியின் தனது 80வது பிறந்தநாள் விழாவை, மனைவி ஷோபாவுடன் கொண்டாடினார். இந்நிகழ்ச்சியில் விஜய் கலந்துகொள்ளவில்லை என்பது குறிப்பிடத்தக்கது.

அன்பு மகனுடன் எஸ்ஏசி

இந்நிலையில், இயக்குநரும் நடிகருமான விஜய்யின் தந்தை எஸ்ஏசி முதன்முறையாக ட்விட்டரில் இணைந்துள்ளார். சமூக வலைத்தள பக்கங்களில் அதிகம் தலை காட்டாத எஸ்ஏசி, ட்விட்டரில் இணைந்துள்ளது பலரது கவனத்தை ஈர்த்துள்ளது. முக்கியமாக அவரது முதல் ட்விட்டர் பதிவும் ட்ரெண்டாகி வருகிறது. அதில், விஜய்யுடன் இருக்கும் புகைப்படத்தை பகிர்ந்து எஸ்ஏசி, “டிவிட்டரில் இணைந்ததில் மகிழ்ச்சி, என் முதல் பதிவு அன்பு மகன் விஜய்யுடன்” என ட்வீட் செய்துள்ளார். இந்த பதிவு விஜய் ரசிகர்களிடம் மகிழ்ச்சியை ஏற்படுத்தியுள்ளது.