மின் கட்டண உயர்வு குறித்து தமிழ்நாடு எதிர் கட்சி தலைவர்
ட்வீட் செய்துள்ளார். தமிழகத்தில் மின் கட்டண உயர்வு கடந்த 8 ஆண்டுகளாக உயர்த்தப்படாத நிலையில் தற்போது உயர்த்தப்பட்டுள்ள மின் கட்டணம் 2026 – 27 வரை அமலில் இருக்கும் என அறிவிக்கப்பட்டுள்ளது.
இது குறித்து எடப்பாடி பழனிசாமி தனது ட்விட்டர் பக்கத்தில் “ஏழைஎளியநடுத்தரமக்களின் நாளங்களைஅறுத்துஅவர்களின்ரத்தத்தைஉறிஞ்சும்மின்கட்டணஉயர்வுகண்டனத்திற்குரியது, மக்களைவஞ்சித்துஅவர்கள்தலையில்மின்னல்இடியாய்விழுந்திருக்கும்அளவுஉயர்ந்திருப்பதுமின்கட்டணமா? தங்களின்நிர்வாகதிறமையின்மைகட்டணமா?
இந்த விடியா அரசு மக்களின் மீது ஏற்றியுள்ள பெருஞ்சுமையான மின் கட்டண உயர்வை உடனடியாக திரும்ப பெற வேண்டும் என வலியுறுத்துகிறேன். “ என்று பழனிசாமி தனது ட்விட்டர் பக்கத்தில் ட்வீட் செய்துள்ளார்.
மின்சார கட்டண உயர்வு குறித்து முன்னாள் அமைச்சர் எஸ்.பி.வேலுமணி தனது ட்விட்டர் பக்கத்தில் “ மாதம் ஒரு முறை மின் கண்க்கீடு செய்யப்படும் என தேர்தல் வாக்குறுதி அளித்து, அதனை நிறைவேற்றாமல், அதற்கு மாறாக, சொத்து வரியை உயர்த்திய சில மாதங்களிலேயே, ஏழை எளிய மக்களை மேலும் வாட்டி வதைக்கும் வகையில், மின் கட்டணத்தை உயர்த்தி இருப்பது கண்டிக்கத்தக்கது.
விடியா திமுக அரசு தற்போது அறிவித்துள்ள மின் கட்டண உயர்வை உடனடியாக திரும்ப பெற வேண்டும். தேர்தலின் போது அளித்த, “மாதமொரு முறை மின் கட்டணம் கணக்கீடு செய்யப்படும்” என்ற வாக்குறுதியை உடனடியாக நிறைவேற்ற வேண்டும் என வலியுறுத்துகின்றேன்.” என்று எஸ்.பி.வேலுமணி தனது ட்விட்டர் பக்கத்தில் கருத்து தெரிவித்துள்ளார்.