தூக்கில் தொங்கிய தாய், குழந்தைகள்! \"இப்படி பண்ணிட்டீங்களே..\" கதறும் லேத் பட்டறை உரிமையாளர்

நேற்று வழக்கம்போல் அனைவரும் வீட்டில் உறங்கி இருக்கிறார். குமார் வீட்டில் உள்ள கூடத்தில் படுத்து உறங்கி உள்ளார். அவரது மனைவி சகீராபானு மற்றும் தனது இரண்டு குழந்தைகளுடன் அறைக்குள் படுத்து தூங்கி உள்ளனர். இந்த நிலையில் காலை வெகு நேரமாகியும் மனைவியும் குழந்தைகளும் அறையிலிருந்து வெளியே வரவில்லை.

அறையின் கதவு நீண்ட நேரமாக திறக்காததால் கதவை உடைத்துக் கொண்டு உள்ளே சென்று பார்த்துள்ளார் குமார். அப்போது மனைவி, மகன், மகள் என மூவரும் மின்விசிறியில் தூக்கில் பிணமாக தொங்குவதை கண்டு அவர் அதிர்ச்சியடைந்தார். இதனை கண்ட அக்கம் பக்கத்தினர் உடனடியாக விருத்தாசலம் காவல்துறையினருக்கு தகவல் அளித்தனர்.

தகவலின் பேரில் விரைந்து வந்த காவல்துறையினர் மூன்று உடல்களையும், மீட்டு பிரேத பரிசோதனைக்காக விருத்தாச்சலம் அரசு மருத்துவமனைக்கு அனுப்பி வைத்தனர். இது குறித்து காவல்துறையினர் நடத்திய முதற்கட்ட விசாரணையில் குமார் மற்றும் அவரது மனைவி சகீராபானுக்கு இடையே, கடந்த மூன்று மாதங்களாக பிரச்சனை இருந்து வந்ததது தெரிய வந்தது.

இதனால் மனமுடைந்த ஷகீரா பானு, தனது மகன் மற்றும் மகளின் மூக்கில் பஞ்சு வைத்து அடைத்து, மின்விசிறியில் தூக்கில் தொங்க விட்டதாகவும், அதன் பின்னர் சகீரா பானுவும் மின்விசிறியில் தூக்கில் தற்கொலை செய்து கொண்டதாகவும் கூறப்படுகிறது. நேற்று இதேபோல் கன்னியாகுமரியில் தந்தை, மனைவி, மகள் தற்கொலை செய்து கொண்டது குறிப்பிடத்தக்கது.