பிரேம்ஜியால எங்களுக்கு பிரச்சினை.. கதறிய வெங்கட் பிரபு.. ராஜு வூட்ல பார்ட்டி நிகழ்ச்சியில் சுவாரஸ்ம்

ராஜு வூட்ல பார்ட்டி நிகழ்ச்சி

பிக்பாஸ் பிரபலம் ராஜு தொகுத்து வழங்க விஜய் டிவியின் புத்தம் புதிய நிகழ்ச்சி ராஜு வூட்ல பார்ட்டி கடந்த சில வாரங்களாக சிறப்பான நிகழ்ச்சிகளை அளித்து வருகிறது. இந்த நிகழ்ச்சியில் கடந்த சில வாரங்களுக்கு முன்பு நடிகை அமலா பால் பங்கேற்று அதகளப் படுத்தினார். தன்னுடைய சிறுவயது காதல்கள் குறித்து அவர் பகிர்ந்துக் கொண்டார்.

வெங்கட் பிரபு கேங் பங்கேற்ற நிகழ்ச்சி

ராஜுவுடன் இணைந்து சுனிதா, மதுரை முத்து உள்ளிட்ட சிலரும் இந்த நிகழ்ச்சியில் கலந்துக் கொண்டு விருந்தினர்களை கலாய்த்து, அவர்களிடம் இருந்து சிலபல உண்மைகளை கறந்து அவர்களை பேச வைப்பது இந்த நிகழ்ச்சியின் ஹைலைட்டாக உள்ளது. இந்த வாரம் வெங்கட் பிரபு கேங் இந்த நிகழ்ச்சியில் கலந்துக் கொண்டுள்ளது.

புதிய ப்ரமோ வெளியீடு

வாரம்தோறும் ஞாயிற்றுக்கிழமை இரவு 9.30 மணிக்கு இந்த நிகழ்ச்சி ஒளிபரப்பாகி வருகிறது. இந்நிலையில் இந்த வாரத்திற்கான ப்ரமோ தற்போது வெளியாகியுள்ளது. இதில் பிரியங்கா, மதுரை முத்து உள்ளிட்டோர், வெங்கட்பிரபு, வைபவ், விஜயலட்சுமி உள்ளிட்டவர்களை பேட்டி காண்கின்றனர்.

வில்லன் பிரேம்ஜி

வெங்கட் பிரபு என்றாலே பார்ட்டி கேங்தான். அதனால் அவர்களை நோக்கி பார்ட்டி தொடர்பான கேள்வியை கொளுத்திப் போட்டார் பிரியங்கா. பொய் சொல்லி பார்ட்டிக்கு போய் வீட்டில் மாட்டியிருக்கிறீர்களா என்ற கேள்வியை அவர் கேட்க, அதற்கு பதிலளித்த வெங்கட் பிரபு, இந்த விஷயத்தில் தங்களது வில்லன் பிரேம்ஜிதான் என்று கூறுகிறார்.

சிக்க வைக்கும் பிரேம்ஜி

தாங்கள் பொய் சொல்லி பார்ட்டிக்கு செல்லும் நிலையில், அதன் புகைப்படத்தை தனது சகோதரர் பிரேம்ஜி, இன்ஸ்டாகிராம் அல்லது ட்விட்டரில் பதிவிட்டு விடுவார் என்றும் இதனால் தங்களின் கேங்கில் உள்ள அனைவரும் பிரச்சினைகளில் சிக்கிக் கொள்வது வாடிக்கை என்றும் அவர் கூறியுள்ளார்.

திருந்துடா பிரேம்ஜி

மேலும் இந்த நிகழ்ச்சி மூலம் பிரேம்ஜிக்கு மெசேஜ் கொடுத்த வெங்கட்பிரபு, டேய் பிரேம் கொஞ்சமாவது வாழ்க்கையிலே திருந்துடா என்று கேட்டுக் கொண்டுள்ளார். பிரேம்ஜி சிங்கிளாக இருப்பதால் என்று அவர் இழுக்க, வைபவ் நாங்களெல்லாம் மிங்கிளாகக்கூடாதா என்று கேட்க, வெங்கட்பிரபு திகைக்க, இப்படியாக கலகலப்பாக முடிகிறது அந்த ப்ரமோ.

கலகலப்பான ப்ரமோ

இதற்கிடையில் வெங்கட் பிரபு நேரில் சொன்னாலே பிரேம்ஜி கேட்கமாட்டார் என்றும் இந்த நிகழ்ச்சிமூலம் சொல்வதை அவர் எப்படி கேட்பார் என்றும் நிதின் சத்யா கேட்கிறார். இந்த வாரம் ஒளிபரப்பாக உள்ள இந்த நிகழ்ச்சி கலகலப்புக்கு பஞ்சமில்லாமல் செல்லும் என்பதை இந்தப் ப்ரமோவை பார்த்தாலே தெரிகிறது.