ஜம்மு காஷ்மீர் மாநிலம் ஸ்ரீநகரில் பாதுகாப்பு படையினருக்கும், பயங்கரவாதிகளுக்கும் இடையே நடந்த துப்பாக்கிச் சண்டையில் பயங்கரவாதிகள் இருவர் சுட்டுக்கொல்லப்பட்டனர்.
ஜம்மு காஷ்மீர் எப்போதும் பதற்றத்தில் காணப்படும் பகுதிகளில் ஒன்றாகும். அவ்வபோது நடைபெறும் பயங்கரவாத தாக்குதல் தான் இதற்கு முக்கிய காரணமாகும்.
இந்த நிலையில் ஜம்மு காஷ்மீரின் ஸ்ரீநகர் மாவட்டத்தில் உள்ள நவ்காம் பகுதியில் பயங்கரவாதிகள் நடமாட்டம் இருப்பதாக பாதுகாப்பு படையினருக்கு ரகசிய தகவல் கிடைத்தது. அந்த தகவலை அடுத்து நவ்காம் பகுதியில் பாதுகாப்பு படையினர் தீவிர தேடுதல் வேட்டையில் ஈடுபட்டனர். இந்த நிலையில், நவ்காம் பகுதியில் உள்ள ஒரு இடத்தில் பதுங்கி இருந்த பயங்கரவாதிகள், பாதுகாப்பு படையினரை பார்த்ததும் அதிர்ச்சியடைந்து அவர்கள் மீது திடீரென்று துப்பாக்கிச்சூடு நடத்தினர்.
அப்போது துப்பாக்கி சத்தம் கேட்டதும் உடனடியாக சுதாரித்துக்கொண்ட பாதுகாப்பு படை வீரர்கள், பயங்கரவாதிகளின் தாக்குதலுக்கு எதிர் தாக்குதல் நடத்தினர். இரு தரப்பினருக்கும் இடையே நீண்ட நேரம் நடந்த துப்பாக்கிச்சூடு சண்டையில் பயங்கரவாதிகள் இருவர் சுட்டுக் கொல்லப்பட்டனர். சுட்டுக் கொல்லப்பட்ட இரண்டு பயங்கரவாதிகளிடம் இருந்து ஆயுதங்கள் மற்றும் வெடி மருந்துகள் கைப்பற்றப்பட்டன.
மேலும் அந்த பகுதியில் வேறு ஏதேனும் பயங்கரவாதிகள் பதுங்கி உள்ளனரா என தீவிர தேடுதல் வேட்டையில் ஈடுபட்டு வருகின்றனர். எப்போதும் பதற்றத்தில் காணப்படும் பகுதிகளில் ஜம்மு காஷ்மீரும் ஒன்றாகும். அவ்வபோது நடைபெறும் பயங்கரவாத தாக்குதல் தான் இதற்கு முக்கிய காரணமாகும்.
ஜம்மு காஷ்மீர் பகுதியல் பயங்கரவாதிகள் பதுங்கி இருந்து தாக்குதல் நடத்திய சம்பவம் பெரும் பதற்றத்தை ஏற்படுத்தியுள்ளது. இது போன்ற சம்பவங்கள் மேலும் நிகழாமல் தடுக்க பாதுகாப்பு படையினர் முயற்சிகள் மேற்கொண்டு வருகின்றனர்.