பீகார் மாநிலத்தில் ஒரு ரயில் நிலையத்தில் ஜன்னல் வழியாக பயணியின் செல்போனை திருட நினைத்த ஒரு திருடனை சக பயணிகள்ரயில் ஜன்னல் வழியாக லாவகமாக பிடித்து 15 கிமீ தொங்கவிட்டு போலீசாரிடம் ஒப்படைத்தனர் .
பீகார் மாநிலத்தில் பெகுசாராய் மாவட்டத்தை சேர்ந்த ரயில் பயணிஒருவரிடம் அவர் ரயிலில் பயணித்து கொண்டிருக்கும் போது, ஒரு திருடன்ரயில் ஜன்னல் வழியாக பயணியின் செல்போனை பறித்து கொண்டு தப்பிக்க முயற்சித்தான்.
அந்த சமயம் சுதாரித்துக்கொண்ட சக பயணிகள், லாவகமாக ஜன்னல் வழியாக அந்த திருடனின் இரு கைகளையும் பிடித்துவிட்டனர். அப்போது ரயில் திடீரென நகர தொடங்கியது. வேறு வழி இல்லாமல் அந்த திருடன் தப்பிக்க முடியாமல் ரயிலுக்கு வெளியே தொங்கியபடி பயணம் செய்துள்ளான்.
15 கிலோமீட்டர் தொங்கியபடி வந்த திருடன் அடுத்து ரயில் நிலையம் வந்ததும் ரயில்வே காவலர்களிடம் ஒப்படைக்கப்பட்டான். அந்த திருடன், திருட முயன்று ரயில் பயணிகளிடம் மாட்டிக்கொண்டு , தன்னை விடுவிக்கும்படி தன்னை பிடித்து வைத்துள்ள பயணிகளிடம் கெஞ்சும் வீடியோ இணையத்தில் வெகு வைரலாக பரவி வருகிறது.
அனைவருக்கும் பொருளாதாரம் என்பது நினைத்தபடி அமைந்து விடாது. சிலர் பிறக்கும் போதே பணக்கார வீடுகளில் பிறப்பதனால் அவர்களுக்கு அடிப்படி தேவைக்கென பண நெருக்கடி சூழல் இருக்காது. ஆனால் நடுத்தர மற்றும் வறுமை நிலையில் உள்ள குடும்பத்தில் உள்ள அனைவருக்குமே உழைத்து வாழ வேண்டிய நிலை அவசியமாகிறது. என்ன தான் பணத் தேவை இருந்தாலும், அதனை எதிர்கொள்ள உழைக்க வேண்டியது கடமையாகும். பிறர் உழைப்பில் பெற்ற பொருட்களை திருட நினைப்பது அறத்திற்கு எதிரானதாகும். உழைப்பின் தேவையை உணர்வதும் அதை கற்பிப்பதும் நம் கடமையாகும்.
