சீனாவில் 42 மாடி கட்டடத்தில் ஏற்பட்டுள்ள பயங்கர தீ விபத்தால் பரபரப்பு நிலவுகிறது. சீனாவில் உள்ள ஹுனான் மாகாண தலைநகரில் 42 மாடி கட்டடம் உள்ளது. 715 அடி உயரமுள்ள இந்த கட்டடம் 2000 ஆம் ஆண்டில் கட்டி முடிக்கப்பட்டது. இந்த நிலையில் இந்த கட்டடத்தில் உள்ளூர் நேரப்படி இன்று மாலை 4.30 மணியளவில் திடீரென தீ விபத்து ஏற்பட்டது.
மத்திய சீனாவின் ஹுனான் மாகாணத்தில் உள்ள சாங்ஷா நகரில் 42 மாடிவானளாவிய கட்டிடம் ஒன்று செயல்பட்டு வருகிறது. இந்த சூழலில் எதிர்பாராத விதமாக ஏற்பட்ட தீ விபத்தினால் கட்டிடம் முழுவதும் கொழுந்து விட்டு எரியத் தொடங்கியது.
இதனிடையே தகவல் அறிந்து சம்பவ இடத்திற்கு விரைந்து வந்த தீயணைப்பு துறையினர் தீயை கட்டுக்குள் கொண்டு வந்ததாக கூறப்படுகிறது. இருப்பினும்வானளாவியவளாகத்தில் உள்ள பல கோடி மதிப்பிலான பொருட்கள் முற்றிலும் எரிந்து நாசமானதாககூறப்படுகிறது.
அதே போல்உயிரிழந்தவர்களின் எண்ணிக்கை இன்னும் தெரியவில்லை என அந்நாட்டு செய்தி ஊடகங்கள் தெரிவித்து உள்ளன. இந்த சம்பவம் குறித்த வீடியோ ஒன்று இணையத்தில் வெளியாகி வைரலாகி வருகிறது.
மேலும், கடந்த ஆண்டு ஜூலை மாதம் வடகிழக்கு ஜிலின் மாகாணத்தில் ஏற்பட்ட தீ விபத்தில் 15 பேர் பலியான நிலையில் 25 பேர் காயமடைந்தது குறிப்பிடத்தக்கது.
சீனாவில் உள்ள ஹுனான் மாகாண தலைநகரில் 715 அடி உயரமுள்ள இந்த கட்டடத்தில் ஏற்பட்டுள்ள இந்த தீ விபத்து அங்கு பெரும் பரபரப்பையும் பதற்றத்தையும் ஏற்படுத்தியுள்ளது.