பொதுமக்கள் பலருக்கு டேவிட் பெக்காம் டோனட்ஸ் வாங்கிக் கொடுத்தார்
சில புகைப்படங்களில் பெக்காம் சிரித்துக்கொண்டிருப்பதைக் காணமுடிந்தது மற்றும் அவரது தலையில் நீல நிற மென்மையான தொப்பியை அணிந்திருந்தார்
லண்டனில் பிரித்தானிய மகாராணியின் உடலுக்கு அஞ்சலி செலுத்த வந்த டேவிட் பெக்கமை அடையாளம் கண்டுகொண்ட பொதுமக்கள் அவரை புகைப்படம் எடுத்தனர்.
பிரித்தானிய மகாராணியாரின் உடலுக்கு ஏராளமானோர் மிக நீண்ட வரிசையில் காத்திருந்து அஞ்சலி செலுத்தி வருகிறார்கள்.
பொதுமக்களுடன் அமைதியாக கலந்துகொண்ட இங்கிலாந்தின் முன்னாள் கால்பந்து பிரபலம் டேவிட் பெக்காம் பொதுமக்களால் அடையாளம் காணப்பட்டார்.
சுமார் 12 மணிநேரம் காத்திருந்தவர்கள் பெக்காம் எப்போது கூட்டத்திற்குள் வந்தார் என ஆச்சரியப்பட்டனர்.
பலர் அவரை புகைப்படம் எடுத்தனர். அதனால் மக்கள் கூட்டம் முன்னோக்கி நகராமல் அங்கேயே சில நேரம் நின்றது.
@Graham Stone/Avalon
டேவிட் பெக்காம் இன்று அதிகாலை சுமார் 2 மணியளவில் வரிசையில் சேர்ந்ததாகக் கூறப்படுகிறது. மேலும் அவரைச் சுற்றி இருந்தவர்களுக்கு அவர் டோனட்ஸ் வாங்கிக் கொடுத்தார்.
சமூக ஊடகங்களில் அஞ்சலி கூட்டத்திற்குள் பெக்காம் இருக்கும் புகைப்படங்கள் பகிரப்பட்டு வருகிறது.
