”தமிழக போலீசார் தி.மு.க.,வினர் போல் செயல்படுகின்றனர்,” என, பாஜக முன்னாள் தேசிய செயலாளர் ஹெச்.ராஜா குற்றம் சாட்டி உள்ளார்.
சிங்கம்புணரி அருகே, பிரான்மலை மங்கைபாகர் தேனம்மை கோவிலில் பிரதமர் நரேந்திர மோடியின் 72வது பிறந்த நாளையொட்டி சிறப்பு யாகம், வழிபாடு நடந்தது. இதில், பாஜக முன்னாள் தேசிய செயலாளர் ஹெச்.ராஜா கலந்து கொண்டார்.
இதன் பின்னர் செய்தியாளர்களிடம் ஹெச்.ராஜா பேசியதாவது:
எம்பி ஆ.ராசா அநாகரிகமான முறையில் ஹிந்துக்கள் அனைவரும் விபச்சாரியின் மகன் என்று கூறி வருகிறார். அவர் பேசுவது, கோபாலபுரம் குடும்பத்துக்கும் பொருந்துமா என்பது எனக்கு தெரியவில்லை.
வெகுஜன விரோதியான ராசாவை, தி.மு.க.,வில் இருந்து
நீக்க வேண்டும். இது போல் வேறு மதத்தவரை பேசி இருந்தால் ஸ்டாலின் அரசு சும்மா இருக்குமா? ராசா சொல்வதைப் போல் ஸ்டாலின் குடும்பமும் என்று பதிவு போட்ட சங்கரன்கோவில் பாஜக ஒன்றிய செயலர் பேச்சிமுத்துவை போலீசார் கைது செய்துள்ளனர். தமிழகத்தில் போலீசார், தி.மு.க.,காரர்களை போல் செயல்படுகின்றனர்.
இவ்வாறு அவர் பேசினார்.