மதுரை: மதுரையில் சு.வெங்கடேசன் எம்.பி. அளித்த பேட்டி: கீழடி அருங்காட்சியக வேலையை ஒவ்வொரு முறை மதுரை வரும் போது முதல்வர் விசாரிக்கிறார். கீழடி அருங்காட்சியக வேலைகள் வேகமாக நடைபெற்று வருகின்றன. தமிழகத்திலேயே முன்மாதிரியான அருங்காட்சியமாக, கீழடி அருங்காட்சியகம் அமையும். விரைவாக கீழடி அருங்காட்சியகத்தை திறக்க ஏற்பாடு செய்யப்படும்.
முதல்வர் அதை திறந்து வைப்பார். கீழடி அகழாய்வு மிகுந்த உற்சாகத்தை தருகிறது. நேற்று முன்தினம் அகழாய்வில் கிடைத்த தங்கத்திலான மணி மிகுந்த ஆச்சரியத்தை தருகிறது. பத்தாண்டு கீழடி அகழாய்வு நடைபெறும் நிலையில், பத்தாண்டுக்குப்பிறகும் புதிய, புதிய பொருள் கிடைக்கிறது என்றார்.