ராமநாதபுரம்: ராமநாதபுரம் மாவட்டம் பரமக்குடியில் பிரதமர் நரேந்திர மோடியின் பிறந்த நாளை முன்னிட்டு அவரது ஓவியத்தை வரைந்து பள்ளி மாணவன் சாதனை படைத்துள்ளார். தனியார் பயிற்சி பள்ளியில் பயின்று வரும் மாணவன் சாருகேஷ் பிரதமர் நரேந்திர மோடியின் பிறந்த நாளை போற்றும் வகையில் 17 மணி நேரத்தில் அவர் பிறந்த மாதமான ஒன்பதாவது மாதத்தை நினைவு கூறும் வகையில், 9 அடியிலும் சுமார் 1700 முறை அவரது பெயரை பயன்படுத்தியும் ஓவியம் வரைந்து சாதனை படைத்துள்ளார்.
பள்ளி மாணவன் சாருகேஷ், இதற்கு முன்னர் சுதந்திர தினத்தன்று கல் உப்பால் பிரதமர் மோடியின் படம் வரைந்து சாதனை படைத்தார் என்பது குறிப்பிடத்தக்கது. மாணவன் சார்கேஸ் தற்போது மீண்டும் பிரதமரின் உருவப்படத்தை வரைந்துள்ளார்.
அதிலும் இது சாதனை முயற்சியாக உள்ளது. பிரதமரின் பிறந்த நாளன்று, குஜராத்தில் பிறந்த திரு நரேந்திர மோதி அவர்களின் பெயரை பயன்படுத்தி ஓவியம் வரைந்து சாதனை படைத்துள்ளார்.
சாதனைகளை தொடர்ந்து செய்து வரும் பள்ளி மாணவன் சாருகேஷ் அனைவராலும் பாராட்டப்படுகிறார். அவரது பள்ளியைச் சேர்ந்த ஆசிரியர்கள் பெற்றோர்கள் மற்றும் பொதுமக்கள் என பலரும் மாணவரை பாராட்டி வருகின்றனர். உண்மையில் 17 மணி நேரத்தில், செப்டம்பர் மாதத்தை நினைவு கூறும் வகையில், 9 அடியில் சுமார் 1700 முறை அவரது பெயரை பயன்படுத்தி ஓவியம் வரைந்தது பாராட்டக்கூடிய சாதனை தானே?