இறுதிக் கட்டத்தில் விடுதலை
அசுரன் படத்திற்கு பிறகு வெற்றி மாறன் இயக்கி வரும் படம் விடுதலை. விஜய்சேதுபதி, சூரி, பிரகாஷ்ராஜ், கவுதம் மேனன், ராஜீவ் மேனன் உள்பட பலர் நடிக்கிறார்கள். ஆர்.வேல்ராஜ் ஒளிப்பதிவு செய்கிறார், இளையராஜா இசை அமைக்கிறார், ஆர்.எஸ்.இன்போடெயின்ட் நிறுவனத்துடன் இணைந்து ரெட் ஜெயண்ட் சார்பில் உதயநிதி தயாரிக்கிறார். இந்த படம் இரண்டு பாகங்களாக வெளிவர இருக்கிறது. இதன் படப்பிடிப்புகள் தேனி, மதுரை, சென்னை உள்ளிட்ட பகுதிகளில் நடந்தது. கடைசியாக கொடைக்கானலில் நடந்து வந்தது. இத்துடன் முதல் பாகத்துக்கான படப்பிடிப்புகள் முடிந்து விட்டதாக தெரிகிறது. படப்பிடிப்புக்கு பிந்தைய பணிகள் விரைவில் தொடங்க இருக்கிறது.