சென்னை: பள்ளிகளில் 1ம் வகுப்பு முதல் பிளஸ் 2 வரை படிக்கும் மாணவர்களுக்கு, முதல் பருவத் தேர்வு மற்றும் காலாண்டு தேர்வு, நாளை ெதாடங்குகிறது. வரும் அக்.1ம் தேதி முதல் காலாண்டு விடுமுறை அளிக்கப்படுகிறது. பள்ளிகளில் 1ம் வகுப்பு முதல் பிளஸ் 2 வரை படிக்கும் மாணவர்களுக்கு, முதல் பருவத் தேர்வு மற்றும் காலாண்டு தேர்வு, நாளை தொடங்குகிறது. அரசு பள்ளிகளில் படிக்கும், ஒன்று முதல் ஐந்தாம் வகுப்பு வரையிலான மாணவர்களுக்கு, தொகுத்தறியும் மதிப்பீட்டு தேர்வு என்ற முறையில், பருவத் தேர்வு நடத்தப்படுகிறது.
இந்த தேர்வுகள், ஒவ்வொரு மாவட்டத்திலும், பாட வாரியாக தனித்தனியே கால அட்டவணை தயாரிக்கப்பட்டு நடத்தப்படுகின்றன. வரும் 30ம் தேதியுடன் தேர்வுகள் முடிந்து, அக். 1ம் தேதி முதல் விடுமுறை விடப்படுகிறது. மீண்டும், அக்.6ம் தேதி பள்ளிகளை திறக்க, பள்ளிக் கல்வித் துறை திட்டமிட்டு உள்ளது. விடுமுறைகளில் மாற்றம் இருந்தால், தேர்வு முடியும் போது அறிவிக்கப்படும் என தகவல் வெளியாகி உள்ளது.