அதிமுகவை கைப்பற்றும் முயற்சியில் ஈடுபட்டுள்ள
தொடர்ந்து மக்களை சந்தித்து வருகிறார். ஓபிஎஸ் – இபிஎஸ் மோதல் ஒரு பக்கம் நடந்துகொண்டிருக்க சசிகலாவும் தனது பாதையில் அதிமுகவின் உச்ச பதவியை குறிவைத்து காய் நகர்த்துகிறார்.
அதிமுகவின் பொதுச் செயலாளர் நான் தான் என உரிமைகோரும் சசிகலா தனது தி.நகர் இல்லத்திலிருந்து அறிக்கைகளை வெளியிட்டு வருகிறார்.
அந்த வகையில் கும்மிடிப்பூண்டி பகுதிகளில் சுற்றுப் பயணம் மேற்கொள்ளவிருப்பதை செய்திக்குறிப்பின் வாயிலாக தெரிவித்துள்ளார்.
அதில், “தமிழக மக்களின் உரிமைகளை காப்பாற்றிடவும், தி.மு.க. தலைமையிலான ஆட்சியின் அவலங்களை மக்களுக்கு தோலுரித்து காட்டிடவும், பெண் இனத்தின் பாதுகாப்பை பேணி காத்திடவும் சசிகலா திருவள்ளூர் மாவட்டம் கும்மிடிப்பூண்டி சட்டமன்ற தொகுதியில் தனது சுற்றுப்பயணத்தை தொடர்ந்து மேற்கொள்கிறார்.
எம்.ஜி.ஆரின் பெருமைகளையும், ஜெயலலிதாவின் தன்னலமற்ற சேவைகளையும் மக்களிடம் கொண்டு சேர்க்கும் வகையில் தொடர்ந்து பயணிக்க உள்ளார்.
நாளை மதியம் 2.30 மணிக்கு சசிகலா தி.நகரில் உள்ள தனது இல்லத்தில் இருந்து புறப்படுகிறார். கோயம்பேடு பாலம், மாதவரம் ரவுண்டானா, செங்குன்றம், பாடியநல்லூர் வழியாக கன்னிகைபேர் சென்றடைந்து அங்கிருந்து தனது சுற்றுப்பயணத்தை தொடங்கும் சசிகலா பெரியபாளையம், தண்டலம், பாலவாக்கம், ஊத்துக்கோட்டை பேரூராட்சி ஆகிய பகுதிகளில் தொண்டர்களையும், பொதுமக்களையும் நேரில் சந்திக்கிறார்.
இந்த சுற்றுப்பயணத்தில் நிர்வாகிகள், தொண்டர்கள், பொதுமக்கள் ஆகியோர் திரளாக கலந்து கொள்கின்றனர்” என்று தெரிவிக்கப்பட்டுள்ளது.