வெந்து தணிந்தது காடு 2 எப்படி இருக்கும்? – சிம்பு பதில்
கவுதம் மேனன் இயக்கத்தில் சிம்பு நடித்து திரைக்கு வந்துள்ள வெந்து தணிந்தது காடு படம் வெற்றிகரமாக ஓடிக்கொண்டிருக்கிறது. இப்படத்தில் முத்து என்ற கேரக்டரில் இயல்பான நடிப்பை வெளிப்படுத்தி உள்ளார் சிம்பு. இந்நிலையில் தற்போது வெந்து தணிந்தது காடு படத்தின் மேக்கிங் வீடியோவை படக்குழு வெளியிட்டுள்ளது. இதில் பாடல், சண்டை காட்சிகள் எடிட்டிங் உருவான விதத்தை படத்தின் தொழில்நுட்ப கலைஞர்கள் விவரித்து உள்ளார்கள். மேலும் தற்போது வெந்து தணிந்தது காடு படத்தின் இரண்டாம் பாகத்திற்கான கதை எழுதும் பணிகள் தொடங்கப்பட்டுள்ளன. இந்த நேரத்தில் இப்படத்தின் முதல் பாகத்தில் ஆக்சன் காட்சிகள் குறைவாக இருந்ததாக சிம்பு ரசிகர்கள் கருத்து தெரிவித்திருந்தார்கள். அதையடுத்து, இப்படத்தில் முத்து என்ற கேரக்டர் எப்படி டான் ஆகிறான் என்பதுதான் கதையாக இருந்தது. அதன் காரணமாகவே ஆக்சன் காட்சிகள் அதிகமாக இடம்பெறவில்லை. அடுத்த பாகத்தில் சண்டை மற்றும் மாஸான காட்சிகள் அதிகம் இடம் பெறும் என்று ரசிகர்களுக்கு தெரிவித்திருக்கிறார் சிம்பு.