சிம்பு நடிப்பில் அண்மையில் வெளியான வெந்து தணிந்தது காடு திரைப்படம் ரசிகர்களிடையே அமோக வரவேற்பை பெற்றுள்ளது. கௌதம் வாசுதேவ் மேனன் இப்படத்தை இயக்கியுள்ளார்.
எழுத்தாளர் ஜெயமோகன் எழுதிய கதையை அடிப்படையாகக் கொண்டு இப்படம் உருவாகியுள்ளது. சித்தி இத்னானி கதாநாயகியாக நடித்துள்ள இப்படத்திற்கு ஏ.ஆர்.ரஹ்மான் இசையமைத்துள்ளார்.
ஐசரி கணேஷ் தயாரித்துள்ள இப்படத்தில் ராதிகா சரத்குமார், மலையாள நடிகர் சித்திக், அப்புக்குட்டி உள்ளிட்ட பலரும் நடித்துள்ளனர். இத்திரைப்படம் ல்ல வரவேற்பை பெற்று வெற்றிப் படமாக உருவெடுத்துள்ளது.
படம் வெளியான முதல் நாளிலேயே ரூ. 10.86 கோடி வசூலை ஈட்டியதாக வர்த்தகர்கள் தெரிவித்துள்ளனர். கூடுதலாக மதுஸ்ரீ பாடியுள்ள மல்லிப்பூ பாடல் பலரது ப்ளேலிஸ்டில் ரிப்பீட் மோடில் ஒலித்துக் கொண்டிருக்கிறது.
இந்த நிலையில் வெந்து தணிந்தது காடு படத்தின் வெற்றியைக் கொண்டாடும் வகையில், தயாரிப்பாளர் ஐசரி கணேஷ் நடிகர் சிம்புவுக்கு ரூ.92 லட்சம் மதிப்புள்ள Toyota VellFire காரை பரிசாக அளித்துள்ளார்.
மேலும் இப்படத்தை இயக்கிய இயக்குநர் கௌதம் வாசுதேவ் மேனனுக்கு ராயல் என்ஃபீல்டு பைக் ஒன்றையும் பரிசாக அளித்துள்ளார். இந்த புகைப்படங்கள் தற்போது இணையத்தில் வைரலாகி வருகிறது.
newstm.in