நிதிஷ் குமார் மற்றும் லாலு பிரசாத் யாதவ் ஆகிய இருவரும்
காங்கிரஸ்
கட்சியின் இடைகால தலைவர் சோனியா காந்தியை இன்று சந்தித்து பேசினார். இந்த சந்தித்த பிறகு நிதிஷ் குமாரும் – லாலு பிரசாத் யாதவும் கூட்டாக செய்தியாளர்களை சந்தித்தனர்.
அப்போது பேசிய ராஷ்ட்ரிய ஜனதா தல தலைவர் நிதிஷ் குமார், “நாட்டை முன்னெடுத்து செல்ல அனைத்து எதிர்க்கட்சிகளும் ஒன்றிணைய வேண்டிய அவசியம் ஏற்பட்டுள்ளது. காங்கிரஸ் கட்சித் தலைவர் தேர்தல் நடைபெற உள்ளது. இதுகுறித்து, தேர்தல் முடிந்த பிறகு சோனியா காந்தி பேசுவார் என கூறினார்.
இந்த சந்திப்பு பற்றி ராஷ்டீரிய ஜனதா தளம் வெளியிட்டுள்ள செய்தியில், 2024-ம் ஆண்டு நாடாளுமன்ற தேர்தலுக்காக எதிர்க்கட்சிகளை வலுப்படுத்துவது மட்டுமின்றி, பல்வேறு காரணங்களுக்காகவும் இந்த சந்திப்பு முக்கியத்துவம் பெறுகிறது.
இதன்படி, சோனியா காந்தியிடம் இருந்து, எதிர்க்கட்சிகள் ஒன்றிணைவது பற்றிய ஓர் உடன்பாடு எட்டப்படுவதற்கான ஒப்புதலை பெறுவதற்கான உறுதிமொழியை எங்களது கட்சி கேட்டு பெறும் என தெரிவிக்கப்பட்டு உள்ளது.
வருகின்ற 2024-ம் ஆண்டு நாடாளுமன்ற தேர்தலில் பா.ஜ.க. அல்லாத எதிர்கட்சிக்கான கூட்டணியை ஒன்றிணைக்கும் தீவிர பணியில் நிதிஷ் குமார் ஈடுபட்டு வருகிறார். பீகாரில், பா.ஜ.க.வுடனான கூட்டணியை முறித்து கொண்ட பின்னர், ராஷ்டிரிய ஜனதா தளம் மற்றும் காங்கிரஸ் உள்ளிட்ட கட்சிகளின் ஆதரவுடன் மீண்டும் நிதிஷ் குமார் தற்போது முதலமைச்சராக உள்ளார்.
நிதிஷ் குமார் பாஜக அல்லாத எதிர்கட்சி கூட்டணியை உருவாக்க கடந்த சில தினங்களுக்கு முன் டெல்லி முதலமைச்சர் அரவிந்த் கெஜ்ரிவால், கம்யூனிஸ்ட் கட்சியின் தலைவர் சீதாராம் யெச்சூரி உள்ளிட்ட பல தலைவர்களை நிதிஷ் குமார் சந்தித்து பேசினார். இந்த நிலையில் சோனியா காந்தி உடனான இந்த சந்திப்பு இந்திய அரசியல் வட்டாரத்தில் பெரும் பரபரப்பை ஏற்படுத்தியுள்ளது.