இந்திய கிரிக்கெட் அணி கேப்டன் ரோகித் சர்மாவுக்கும், ரித்திகா சஜ்தே என்ற பெண்ணிற்கும் கடந்த 2015ஆம் ஆண்டு திருமணம் நடந்தது.
இந்த தம்பதிக்கு சமைரா சர்மா என்ற குழந்தை உள்ளது.
ரோகித் சர்மா – ரித்திகாவின் காதல் கதை மிக அழகானது.
ரித்திகா சஜ்தே 2008ம் ஆண்டு, கார்னர்ஸ்டோண்ட் என்ற ஒரு ஸ்போர்ட்ஸ் கன்சல்டன்சி நிறுவனத்தில் பணிக்குச் சேர்ந்தார்.
அந்த ஆண்டுதான், ஒரு ரீபக் விளம்பர படப்பிடிப்பில், ரோகித்தை முதன்முறையாகச் சந்தித்தார் ரித்திகா.
ரோகித்தை ரித்திகாவிற்கு அறிமுகப்படுத்தி வைத்தது கிரிக்கெட் வீரர் யுவராஜ் சிங்!
ரோகித் ஷர்மாவும் ரித்திகா சஜ்தேவும் நண்பர்களானார்கள்.
பிறகு காதலில் விழுந்து ஆறு ஆண்டுகள் காதல் காலத்தைக் கடந்து 2015ம் ஆண்டு, டிசம்பர் 13ம் திகதி, திருமணம் செய்துகொண்டனர்.
ரோகித் ஷர்மா ரித்திகா சஜ்தேவை புரொபோஸ் செய்த இடம், மும்பையிலுள்ள கிரிக்கெட் கிளப்.
இது ரோகித் முதன்முதலாக கிரிக்கெட் விளையாட கற்றுக்கொண்ட இடம். ரோகித் புரொபோஸ் செய்தது பற்றி ரித்திகா ஒரு முறை பேசுகையில், அன்று மும்பை இண்டியன்ஸ் அணிக்காக ஒரு நிகழ்ச்சி நடந்துமுடிந்திருந்தது.
அப்போது ரோகித் என்னிடம், நாம ஒரு டிரைவ் போகலாம் என சொன்னார். நாங்கள் பல தடவை அப்படி டிரைவ் போயிருக்கோம். அதனால, அன்று ரோகித் கேட்டது எனக்குப் புதிதாக தெரியவில்லை.
அவர் என்னை எங்கே அழைத்து போறார் என நானும் கேட்கவில்லை. பின்னர், என்னை கல்யாணம் பண்ணிக்கிறியா? என கேட்டார். அவர் அப்படி புரொபோஸ் பண்ணதுக்கே அவரை காதலிக்கலாம்னு தோணுச்சு. என் வாழ்க்கையில் நடந்த மிகவும் அழகான தருணம் அது என கூறியிருந்தார்.
weddingplz