தமிழகத்தில் வரும் அக்டோபர் 2-ம் தேதி மகாத்மா காந்தியின் பிறந்தநாளையொட்டி ஆர்எஸ்எஸ் அமைப்பினர் 50 இடங்களில் ஊர்வலம் நடத்த உயர் நீதிமன்றம் நிபந்தனை அனுமதி அளித்துள்ளது. அரசியல் அமைப்பை சாராத ஒரு குழு சீருடை அணிந்துகொண்டு ராணுவ வீரரர்களை போல அணிவகுப்பு நடத்த என்ன காரணம்? அவர்களது நோக்கம்தான் என்ன என்ற பல கேள்விகள் எழும்.
ஆனால், இதற்கு அவர்கள் தரும் பதில் என்னவென்றால், கலாச்சார ரீதியாக இந்தியாவை ஒற்றுமை படுத்துகிறோம் என்று சொல்கின்றனர். ஆனால், ஆர்எஸ்எஸ்-ஐ எதிர்ப்பவர்களும், அதுகுறித்து ஆழமான ஆராச்சியை மேற்கொண்டவர்கள், ஒற்றுமை என்ற போர்வையில் ஆர்எஸ்எஸ் அணிவகுப்பை பயத்தை ஊட்டும் நோக்கமாகவும் பார்க்கின்றனர். தமிழகத்தில் பொறுத்தவரை ஆர்எஸ்எஸ் வளர்ச்சி குறைவுதான். சில இடங்களில் ஆர்எஸ்எஸ் பயிற்சி மோற்கொள்ளபடும்போது அப்பகுதியில் உள்ளவர்களே அதற்கு எதிர்ப்பது தெரிவித்து தொடக்கத்திலேயே அதை நிறுத்துவிடுகின்றனர். அதற்கு இடதுசாரி கட்சியினரும், சில சமூக ஆர்வலர்களும் தூணாக இருக்கிறார்களே தவிர சாமானியர்களுக்கு ஆர்எஸ்எஸ் பற்றிய புரிதல் பெரிதாக இருப்பதில்லை.
பாஜகவை பின்னிருந்து இயக்கி வரும் ஆர்எஸ்எஸ் அமைப்புக்கு 2024 பாராளுமன்ற தேர்தல் மிக முக்கியம் வாய்ந்தது. 1925 ஆம் ஆண்டு செப்டம்பரில் தொடங்கப்பட்ட ஆர்எஸ்எஸ் அமைப்பு 2025 இல் நூறாவது ஆண்டை நிறைவு செய்கிறது. அதற்கு பாஜக மீண்டும் ஆட்சியில் இருக்க வேண்டும் என்பதே ஆர்எஸ்எஸ்-இன் ஒரே குறிக்கோள்.
தமிழகத்தில், கடந்த 2016 ஆம் ஆண்டு ஜெயலலிதா முதல்வராக இருந்த சமயத்தில் ஆர்எஸ்எஸ் அமைப்பினர் பல இடங்களில் அணிவகுப்பு நடத்த உயர் நீதிமன்றத்தில் அனுமதி பெற்றனர். ஆனால், கடைசி நேரத்தில் காவல்துறை அந்த அனுமதியை ஏற்கவில்லை. போலீசை மீறி அணிவகுப்பை நடத்த முயன்றவர்கள் கைது செய்யப்பட்டனர். ஆனால், 2017 இல் ஓ. பன்னீர்செல்வம் முதல்வராக இருந்தபோது ஆர்எஸ்எஸ் அமைப்பினர் வெகு விமரிசையாக அணிவகுப்பை நடத்தினர்.
இந்நிலையில், வரும் அக்டோபர் 2 ஆம் தேதி தமிழத்தில் 50 இடங்களில் ஆர்எஸ்எஸ் அணிவகுப்பு நடத்த சென்னை உயர் நீதிமன்றம் அனுமதி வழங்கியுள்ளது. இதற்கு அரசியல் கட்சி தலைவர்கள் பலரும் எதிர்ப்பு தெரிவித்து தமிழக அரசுக்கு அழுத்தம் கொடுத்து வருகின்றனர். ஜெயலலிதா செய்யாததை
செய்யவாரா என்ற எதிர்பார்ப்பும் வலுவாக எழுகிறது.