கேரளாவில் அதிவேகத்தில் பேருந்தை முந்த முயன்ற போது எதிரே வந்த BMW காரில் மோதி தூக்கி வீசப்படும் இருவர், தலையில் பலத்த காயங்களுடன் மருத்துவமனையில் அனுமதிக்கப்பட்டுள்ளனர். விபத்தின் பதறவைக்கும் சிசிடிவி காட்சிகள் வெளியாகி அதிர்ச்சியை ஏற்படுத்தியுள்ளது.
கேரள மாநிலம் மலப்புரம் மாவட்டத்தில் உள்ள தாணூர் பகுதியில் வைத்து நேற்று அதிவேகத்தில் வந்த ஸ்கூட்டர் ஒன்று நின்று கொண்டிருந்த பேருந்தை முந்த முயன்ற போது எதிரே வந்த BMW காரின் மீது மோதி விபத்து ஏற்பட்டுள்ளது.இந்த விபத்தில் ஸ்கூட்டரில் வந்த இருவரும் தூக்கி வீசப்பட்டு தலையில் பலத்த காயங்களுடன் தனியார் மருத்துவமனையில் சிகிச்சைக்காக அனுமதிக்கப்பட்டுள்ளனர்.
மேலும் காரில் வந்தவர்கள் சிறு சிறு காயங்களுடன் உயிர் தப்பினர். தொடர்ந்து இந்த விபத்து குறித்து மலப்புரம் போலீசாரின் விசாரணையில் ஸ்கூட்டரில் வந்தவர்கள் தாணூர் பகுதியை சார்ந்த ஜாஸ்மின், மங்கலம் பகுதியை சார்ந்த பினீஷ் என்பதும் தெரியவந்துள்ளது.மேலும் இந்த விபத்து குறித்து போலீசார் விசாரணை நடத்தி வருந்த நிலையில் இந்த விபத்தின் பதற வைக்கும் சிசிடிவி காட்சிகள் தற்போது வெளியாகி உள்ளன.