சினிமாவில் பல பிரச்னைகளை சந்தித்த சிம்பு தற்போது செகண்ட் இன்னிங்ஸில் கலக்கிவருகிறார். சிம்புவின் மீட்சியை அவரது ரசிகர்கள் பலமாக கொண்டாடிவருகின்றனர். அப்படிப்பட்டவர்களில் கூல் சுரேஷ் ஒருவர். சிம்புவின் எந்தப் படம் வெளியானாலும் ப்ரோமோஷன் செய்த அவர் ஒருகட்டத்தில் யார் பாடம் வந்தாலும், “வெந்து தணிந்தது காடு சிம்புவுக்கு வணக்கத்தை போடு” என்றே தனது பேச்சை தொடங்கினார் அவரது இந்தப் பேச்சு ஆரம்பத்தில் கேலி செய்யப்பட்டாலும் காலப்போக்கில் ரசிக்கப்பட்டது.
அதேசமயம் அவரது இந்தப் பேச்சு விமர்சனத்தையும், கண்டனத்தையும்கூட சம்பாதித்தது. ஆனாலும் சிம்புவுக்கு இப்படி ஒரு ரசிகரா என பலரும் புருவம் உயர்த்தினர். இந்தச் சூழலில் வெந்து தணிந்தது காடு படம் வெளியானது. படத்தை பார்த்த ரசிகர்கள் மாபெரும் வரவேற்பு கிடைத்துள்ளது. இதனால் சிம்புவுக்கு தொடர்ச்சியாக இரண்டாவது வெற்றி கிடைத்துள்ளது. வெந்து தணிந்தது காடு படத்தின் இரண்டாம் பாகமும் வெளியாகவுள்ளது குறிப்பிடத்தக்கது.
Producer Dr @IshariKGanesh Presented A brand new luxury car to @SilambarasanTR_ & a Royal Enfield bike to dir @menongautham celebrating the success of #VendhuThanidhathuKaadu at #VTKSuccessMeet@arrahman @VelsFilmIntl @RedGiantMovies_ @Udhaystalin @DoneChannel1 pic.twitter.com/h7KX5qwX9s
— Vels Film International (@VelsFilmIntl) September 25, 2022
படத்தின் வெற்றியை கொண்டாடும் வகையில் தயாரிப்பாளர் ஐசரி கணேஷ் சிம்புவுக்கு காரும், கௌதம் வாசுதேவுக்கு பைக்கும் பரிசாக அளித்தார். இந்நிலையில் படத்துக்கு தீவிர ப்ரோமோஷன் செய்த கூல் சுரேஷுக்கு ஐஃபோனை பரிசாக கொடுத்துள்ளார். இதனை பெற்றுக்கொண்ட கூல் சுரேஷ் தன் வீட்டு பூஜை அறையில் ஐசரி கணேஷின் ஃபோட்டோவை வைத்து அதன் அருகில் இவர் நிற்கும் புகைப்படத்தையும் பகிர்ந்துள்ளார். தற்போது இந்தப் புகைப்படம் வைரலாகியுள்ளது.
மேலும், தொண்டை நீர் வற்ற வெந்து தணிந்தது காடு படத்துக்கு ப்ரோமோஷன் செய்தது கூல் சுரேஷுக்கு வீண் போகவில்லை எனவும் நெட்டிசன்ஸ் கமெண்ட் செய்துவருகின்றனர்.