அயோத்தி, :உத்தர பிரதேச மாநிலம் அயோத்தியில் உள்ள முக்கிய சாலை சந்திப்புக்கு, மறைந்த பிரபல பாடகி லதா மங்கேஷ்கரின் பெயர் வைக்கப்பட்டுள்ளது. இந்த நிகழ்ச்சியில் பங்கேற்ற பிரதமர் மோடி, அவருக்கு புகழஞ்சலி செலுத்தினார்.மறைந்த பிரபல பின்னணி பாடகி லதா மங்கேஷ்கரின் பிறந்தநாளையொட்டி, உத்தர பிரதேசத்தின் அயோத்தியில் உள்ள சாலைக்கு அவருடைய பெயர் சூட்டப்பட்டது.
இந்த நிகழ்ச்சியில் பிரதமர் நரேந்திர மோடியின் பேச்சு ஒலிபரப்பப்பட்டது. இதில் அவர் கூறியுள்ளதாவது:அயோத்தி முதல் ராமேஸ்வரம் வரை, ராமர் எங்கும் நிறைந்துள்ளார். தன் பக்தி பாடல்கள் வாயிலாக ராமரை நம் மனதில் நிலைநிறுத்திஉள்ளார் லதா மங்கேஷ்கர். அவருடைய குரலால் ராமரை மக்கள் உணர்ந்து உள்ளனர்.
அயோத்தியில் ராமர் கோவிலுக்கு அடிக்கல் நாட்டிய பின், என்னை அழைத்து அவர் வாழ்த்தும், நன்றியும் தெரிவித்தார்.இவ்வாறு அவர் கூறினார்.பா.ஜ.,வைச் சேர்ந்த மாநில முதல்வர் யோகி ஆதித்யநாத் உள்ளிட்டோர் இதில் பங்கேற்றனர். இந்த சாலையில், கல்விக் கடவுள் சரஸ்வதியை குறிக்கும் வகையில், பிரமாண்ட வீணை சிலை அமைக்கப்பட்டுள்ளது.
புதிய செய்திகளுக்கு தினமலர் சேனலை Subscribe செய்யுங்கள்
Advertisement