நாடு முழுவதும் உள்ள பள்ளிகளின் செயல்பாடுகளை மேலாண்மை செய்வதற்காக கட்டாய கல்வி உரிமைச்சட்டம் 2009-இன் படி பள்ளி மேலாண்மை குழு SMC எனப்படும் School Management Committee) அமைக்கப்பட்டது. இந்த குழு பள்ளி வளர்ச்சியில் கவனம் செலுத்துதல், சமுதாயத்துக்கும் தொடர்பு ஊடகமாக இருத்தல், பள்ளி வயது குழந்தைகளையும் பள்ளியில் சேர்ப்பது, பள்ளியில் அடிப்படை வசதிகளை ஏற்படுத்துதல் மற்றும் மேம்படுத்துதல், மாணவர்களின் கல்வி தரத்தை உயர்த்துதல் மற்றும் இலவச கட்டாய கல்வி உரிமை சட்டத்தில் கூறப்பட்டுள்ள நடைமுறைகளை செயல்படுத்தும் நோக்கில் செயல்படும்.
இக்குழுவின் தலைவராக பள்ளியில் பயிலும் ஏதேனும் ஒரு குழந்தையின் தாய் அல்லது தந்தை இருப்பர். 25 உறுப்பினர்கள் கொண்ட இக்குழுவை தமிழக அரசு 2009-ஆம் ஆண்டு துவங்கியிருந்தாலும் பல்வேறு இடங்களில் செயல்பாடற்று கிடந்தது. 2021-ல் முதலமைச்சராக பொறுப்பேற்ற
பள்ளி மேலாண்மை குழுவை உயிர்ப்பிக்கும் நோக்கில் அனைத்து பள்ளிகளிலும் செயல்படுத்த பள்ளிக்கல்வித்துறை வாயிலாக ஆணையிட்டார். தமிழகம் முழுவதும் உள்ள அனைத்து பள்ளிகளிலும் தலைவர்கள் மற்றும் உறுப்பினர்கள் தேர்ந்தெடுக்கப்பட்டுள்ளனர்.
இந்நிலையில் இந்த குழுக்களின் மூலம் தமிழகத்தில் உள்ள அரசு பள்ளிகளில் பல்வேறு இடங்களில் கல்வியின் தரம் உயர்ந்திருந்தாலும் இக்குழுவின் மூலம் செயல்படும் தலைவர்கள் மற்றும் உறுப்பினர்கள் ஒடுக்கப்படுவது புகார் எழுந்துள்ளது. இக்குழுகளில் அரசியல் தலையீடு மற்றும் பள்ளிகளில் பணியாற்றும் தலைமை ஆசிரியர்கள், ஆசிரியர்களின் தலையீடு ஆகியவை இக்குழுவை சரிவர செயல்படாத வண்ணம் ஒடுக்குவதாக குற்றச்சாட்டு எழுந்துள்ளது.
விழுப்புரம் மாவட்டம், திண்டிவனம் அடுத்த கன்னிகாபுரம் கிராமத்தில் அமைந்துள்ள அரசு பள்ளியில் 6-ஆக இருந்த மாணவர்கள் எண்ணிக்கை தற்போது 54-ஆக உயர்ந்துள்ளது. இதற்கு காரணம் பள்ளி மேலாண்மை குழு சார்பில் வழங்கபட்ட விழிப்புணர்வு மற்றும் கூடுதல் ஆசிரியர்கள் நியமனம் தான் என்று அப்பகுதி மக்கள் கூறுகின்றனர்.
ஆனால் பள்ளி மேலான்மை குழுவின் இத்தகைய செயல்பாடுகளுக்கு தலைமையாசிரியர் மற்றும் அரசு அதிகாரிகள் பலர் பல இன்னல்களை தருவதாக அப்பள்ளி மேலாண்மை குழுவின் தலைவர் கண்ணன் வேதனை தெரிவித்துள்ளார். மேலும், அதே பள்ளியில் தனியார் பள்ளியில் தனது மகன் படித்த போதும் முறையாக பாடம் கற்பிக்கப்படவில்லை ஆனால் அரசு பள்ளியில் பள்ளி மேலான்மை குழு சார்பில் ஆசிரியர்கள் நியமிக்கப்பட்டு ஆங்கில வழி கல்வி கற்பிக்கப்பட்டு தற்போது அவரது மகன் சரளமாக ஆங்கிலம் பேசுவதாகவும் பெற்றோர் கவிதா பெருமை தெரிவித்துள்ளனர்.
இத்தகைய பள்ளி மேலாண்மை குழுவின் செயல்பாடுகளை பொறுத்துக் கொள்ள முடியாத தலைமை ஆசிரியர்கள் மற்றும் அரசு அதிகாரிகள் அரசியல்வாதிகள் ஆகியோர் பள்ளி மேன்மை குழுவை சரியாக செயல்படுத்த விடக்கூடாது என்ற எண்ணத்தில் பல்வேறு இடையூறுகளை பள்ளி மேலான்மை குழுவின் தலைவர் மற்றும் உறுப்பினர்களுக்கு கொடுப்பதாக பகீர் குற்றச்சாட்டு எழுந்துள்ளது.
1000 கிலோ மீன்கள்; அள்ளி சென்ற மீனவர்கள்!
பள்ளி மேலாண்மை குழு சிறப்பாக செயல்பட்டால் அந்த குழுவின் மீது குற்றச்சாட்டுகளை வைத்து அந்த குழுவை கலைத்து விடுவது, பள்ளி மேலான்மை குழுவின் முழு அதிகாரம் குறித்து அந்தந்த தலைவர்களுக்கு தெரிவிக்காமல் இருப்பது செலவீன கணக்குகளை வழங்காமல் கையொப்பம் பெற்று பயன்படுத்தி கொள்வது ஆகியவை தொடர்கதை ஆகியுள்ளது.
இதற்கு என்ன தீர்வு என்று மரக்காணம் வட்டார வள மைய மேற்பார்வையாளர் சம்பத் அவர்களிடம் கேட்டபோது அவர் கூறியதாவது: “தமிழக அரசு சார்பில் செயல்படுத்தப்பட்டுள்ள இந்த திட்டம் மிகவும் சிறப்பான திட்டம் மேலும் தமிழக அரசு இந்த திட்டத்தை செயல்படுத்தியவுடன் அப்படியே விட்டுவிட்டது. மேலும் இந்த திட்டம் குறித்த விழிப்புணர்வு பொதுமக்களுக்கும் பள்ளி மேலாண்மை குழுவில் உள்ள தலைவர்கள் மற்றும் உறுப்பினர்களுக்கும் முறையாக வழங்கப்படவில்லை. அனைத்தும் முறையாக கடைப்பிடிக்கப்பட்டால் பள்ளி மேலான்மை குழு தமிழகத்தில் சிறப்பாக செயல்படும். பள்ளி மேலான்மை குழுவை அடிக்கடி கண்காணிக்க வேண்டும், பள்ளி மேலான்மை குழுவில் அரசியல்வாதிகள் மற்றும் தலைமை ஆசிரியர்கள், ஆசிரியர்கள் ஆகியோரின் தலையீடுகள் இல்லாமல் இருந்தால் பள்ளி மேலான்மை குழுவின் மூலம் தமிழகத்தில் உள்ள அனைத்து பள்ளிகளின் கல்வியின் தரத்தை உயர்த்த முடியும்” இவ்வாறு அவர் கூறினார்.
விழுப்புரம் மாவட்டம் மரக்காணம் அருகே உள்ள கழிக்குப்பம் அரசு ஆதிதிராவிடர் நலப்பள்ளியில் சிறப்பாக செயல்பட்ட பள்ளி மேன்மை குழு தலைவர் லட்சுமி என்பவர் அங்கிருக்கும் ஆசிரியர்களால் ஒடுக்கப்பட்டு தற்போது அவரை பள்ளி மேலான்மை குழு தலைவர் என்ற பொறுப்பில் இருந்து நீக்கி உள்ளனர். எனவே இது குறித்து பள்ளிக்கல்வித்துறை உரிய விசாரணை மேற்கொண்டு பள்ளி மேலாண்மை குழுவை முறையாக செயல்படுத்த நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.