டெல்லி:
68-வது தேசிய திரைப்பட விருதுகள் வழங்கும் விழா இன்று நடைபெற உள்ளது.
68-வது தேசிய திரைப்பட விருதுகளுக்கு தேர்வான படங்கள் மற்றும் கலைஞர்களின் பட்டியலை இந்திய அரசு கடந்த சில மாதங்களுக்கு முன்பு வெளியிட்டது.
இந்நிலையில், டெல்லியில் குடியரசு தலைவர் திரவுபதி முர்மு தலைமையில் இந்த விருது வழங்கும் விழா நடக்கிறது.
இதில் விருதுக்கு தேர்வான படங்கள் மற்றும் நடிகர்களுக்கு விருதுகளை குடியரசு தலைவர் திரவுபதி முர்மு வழங்க உள்ளார்.
சிறந்த நடிகர்களாக பாலிவுட் நடிகர் அஜய் தேவ்கன், நடிகர் சூர்யா ஆகியோர் தேர்வாகியுள்ளனர்.நடிகர் சூர்யா நடித்த சூரரைப் போற்று படத்துக்கு ஐந்து விருதுகள், சிவரஞ்சனியும் இன்னும் சில பெண்களும் என்ற படத்துக்காக மூன்று விருதுகள் மற்றும் மண்டேலா படத்துக்கு 2 விருதுகள் கிடைத்துள்ளன என்பது குறிப்பிடத்தக்கது.