இந்தியன் 2 : 1920 காலகட்டத்திற்கு தயாரான கமல்
விக்ரம் படத்தை அடுத்து மீண்டும் ஷங்கர் இயக்கும் இந்தியன்-2 படத்தில் இணைந்துள்ளார் கமல்ஹாசன். கமலுடன் காஜல் அகர்வால், ரகுல் ப்ரீத் சிங், பிரியா பவானி சங்கர், சித்தார்த், பாபி சிம்ஹா உட்பட பலர் நடிக்கும் இப்படத்திற்கு அனிருத் இசையமைக்கிறார். இந்த படத்தின் படப்பிடிப்பில் முதல் நாள் தான் கலந்து கொண்ட போது இயக்குனர் ஷங்கருக்கு கை கொடுத்தபடி அவர் தனக்கு ஒரு காட்சியை விளக்கும் வீடியோவை வெளியிட்டிருந்தார் கமல்ஹாசன்.
இந்த நிலையில் தற்போது இந்தியன்-2 படப்பிடிப்பில் கமல்ஹாசனுக்கு மேக்கப் போட்டுக் கொண்டிருப்பதை யாரோ மொபைலில் படமெடுத்து வெளியிட்டுள்ள புகைப்படம் ஒன்று வைரலாகி வருகிறது. இந்த தோற்றம் 1920களில் இருப்பது போன்று உருவாக்கப்பட உள்ளதாக அந்த போட்டோவில் தெரிவிக்கப்பட்டுள்ளது.
இதே போன்று ரஜினியின் ஜெயிலர் படத்தின் புகைப்படங்கள் ஏற்கனவே வெளியான நிலையில், தற்போது ஜெயிலர் படத்தில் தான் நடிக்கும் கெட்டப்பில் படப்பிடிப்பு நடைபெறும் இடத்தை நோக்கி நடந்து வந்து கொண்டிருப்பவர் ரஜினி, தூரத்தில் நிற்கும் ரசிகர்களை பார்த்து இரண்டு கைகளால் வணங்கியபடி செல்லும் புகைப்படம் ஒன்றும் வைரலாகி வருகிறது.