நமது நாட்டில் ஒவ்வொரு மாநிலத்திலும் ஒவ்வொரு அளவில் பிற்படுத்தப்பட்ட, மிகவும் பிற்படுத்தப்பட்ட, பட்டியலின, பழங்குடியின மக்களுக்கு இட ஒதுக்கீடு வழங்கப்பட்டு வருகிறது. அதுதவிர, மத்திய அரசின் கல்வி, வேலைவாய்ப்பில் இதர பிற்படுத்தப்பட்ட வகுப்பினருக்கு 27 சதவீதம், பட்டியலினத்தவருக்கு 15 சதவீதம், பழங்குடியினருக்கு 7.5 சதவீதம் என மொத்தம் 49.5 சதவீத இட ஒதுக்கீடு வழங்கப்படுகிறது.
தமிழகத்தை பொறுத்தவரை சமூக நீதி காப்பதில் முதன்மை மாநிலமாக திகழ்கிறது. எனவேதான் இங்கு மட்டும் பிற மாநிலங்களை போல் இல்லாமல் அனைத்து கட்சிகளின் ஒற்றுமையின் பேரில், சட்ட உரிமை பெற்று 69 சதவீதம் இட ஒதுக்கீடு முறை பின்பற்றப்பட்டு வருகிறது.
அதன்படி, பொதுப் பிரிவினருக்கு 31 சதவீதம், பிற்படுத்தப்பட்ட பிரிவினருக்கு 30 சதவீதம் (பிற்படுத்தப்பட்ட இஸ்லாமியர்களுக்கு உள் இட ஒதுக்கீடாக 3.5 சதவீதம்), மிகவும் பிற்படுத்தப்பட்ட பிரிவினருக்கு 20 சதவீதம், பட்டியல் இனத்தவர்களுக்கு 18 சதவீதம் (அருந்ததியினருக்கு உள் ஒதுக்கீடாக 3 சதவீதம்), பழங்குடியின மக்களுக்கு 1 சதவீதமும் இட ஒதுக்கீடு வழங்கப்பட்டு வருகிறது.
இந்த நிலையில், தமிழ்நாட்டில் பட்டியலின மக்களுக்கான இட ஒதுக்கீட்டை அவர்களின் மக்கள்தொகைக்கு இணையாக 22 சதவீதம் ஆக உயர்த்த வேண்டும் என
நிறுவனர்
வலியுறுத்தியுள்ளார்.
இதுகுறித்து அவர் தனது ட்விட்டர் பக்கத்தில், “கர்நாடகத்தில் மக்கள்தொகை அடிப்படையில் பட்டியலினத்தவருக்கான இட ஒதுக்கீடு 15%லிருந்து 17% ஆகவும், பழங்குடியினருக்கான இட ஒதுக்கீடு 3%லிருந்து 7% ஆகவும் உயர்த்த அம்மாநில அரசு முடிவு செய்திருப்பது வரவேற்கத்தக்கது. இது மிகச்சிறந்த சமூகநீதி காக்கும் நடவடிக்கையாகும்.
தமிழ்நாட்டில் பட்டியலின மக்களுக்கான இட ஒதுக்கீட்டை அவர்களின் மக்கள்தொகைக்கு இணையாக 22 சதவீதம் ஆக உயர்த்த வேண்டும் என்று 1980ஆம் ஆண்டு வன்னியர் சங்கம் தொடங்கப்பட்ட நாளில் இருந்து வலியுறுத்தி வருகிறேன். இந்த கோரிக்கையையும் வலியுறுத்தி தான் தொடர் சாலை மறியல் போராட்டம் நடைபெற்றது.
பட்டியலின, பழங்குடியின மக்களுக்கு இட ஒதுக்கீடு அதிகரிப்பதால், மொத்த இட ஒதுக்கீட்டையும் 56% ஆக உயர்த்த கர்நாடகம் தீர்மானித்திருப்பது துணிச்சலான நடவடிக்கை ஆகும். தமிழ்நாட்டிலும் அத்தகைய துணிச்சலான நடவடிக்கையை எடுக்க தமிழக அரசு முன்வர வேண்டும்.” என வலியுறுத்தியுள்ளார்.