ஜெயலலிதா மறைந்த ஓராண்டிலேயே அதிமுகவில் கோஷ்டி பூசல் உருவானது. ஜெயலலிதாவுக்கு பிறகு அந்த சீட்டில் யார் உட்காருவது? என்பதில் எடப்பாடி பழனிச்சாமி மற்றும்
ஆகியோரிடையே தொடங்கிய போட்டியும், அதையொட்டிய மோதல் போக்கும் கட்சியை நடுத் தெருவுக்கு கொண்டு வந்துவிட்டது.
இந்த மோதலின் ஒருபகுதியாக பெருவாரியான பொதுக்குழு உறுப்பினர்கள் உதவியுடன் எடப்பாடி பழனிசாமி அதிமுக இடைக்கால பொது செயலாளர் என முடிசூட்டிக்கொண்டார்.
இதற்கு எதிர்ப்பு தெரிவித்த ஓபிஎஸ் மற்றும் அவரது ஆதரவாளர்களை எடப்பாடி பழனிசாமி கட்சியில் இருந்து நீக்கினார். இதனால் டென்ஷன் ஆன ஓபிஎஸ் நீதிமன்றத்தின் கதவுகளை தட்டினார்.
இந்த வழக்கினை விசாரித்த கீழமை நீதிமன்றம் ஓபிஎஸ்சுக்கு சாதகமாக தீர்ப்பு வழங்கியது. இதனை எதிர்த்து எடப்பாடி பழனிச்சாமி உயர் நீதிமன்றத்தில் மேல்முறையீடு செய்தார்.
இந்த வழக்கை விசாரித்த சென்னை உயர்நீதிமன்றம் அதிமுகவின் இடைக்கால பொதுச்செயலாளராக எடப்பாடி தேர்வு செய்யப்பட்டது செல்லும் என தீர்ப்பு வழங்கியது.
இதனால் மகிழ்ச்சியின் உச்சத்துக்கு போன எடப்பாடி பழனிசாமி அடுத்தகட்டமாக ஓ.பன்னீர்செல்வத்தை அரசியல் ரீதியாக தனிமைப்படுத்தும் முயற்சியில் இறங்கினார்.
இதற்காக தனது ஆதரவாளர்கள் உதவியுடன் அதிமுக பொதுச்செயலாளர் தேர்தலை நடத்தி முடிக்க எடப்பாடி பழனிசாமி திட்டமிட்டு சாதுர்யமாக காய்களை நகர்த்தினார்.
இதற்கு செக் வைக்கும் விதமாக சென்னை உயர்நீதிமன்ற தீர்ப்புக்கு எதிராக ஓ.பன்னீர்செல்வம் உச்ச நீதிமன்றத்தில் மேல்முறையீடு செய்தார். இந்த வழக்கை விசாரித்த நீதிமன்றம் ஓபிஎஸ் வழக்கை விசாரித்து முடிக்கும் வரை, அதிமுக பொதுச்செயலாளர் தேர்தல் நடத்த தடை விதித்து அதிரடியாக உத்தரவு போட்டது.
இதனால் கடும் மன உளைச்சலுக்கு ஆளான எடப்பாடி பழனிச்சாமி அடுத்தக்கட்டமாக என்ன செய்வது? என புரியாமல் கடும் குழப்பத்தில் ஆழ்ந்து கிடப்பதாக கூறப்பட்டது.
அதே சமயம் ஓபிஎஸ்சுக்கு பாஜக மேலிடத்தின் ஆதரவு இருப்பதாக சொல்லப்படுவதால் டெல்லி சென்று காய் நகர்த்தி பார்க்க எடப்பாடி பழனிசாமி தன்னுடன் முன்னாள் அமைச்சர் சி.வி.சண்முகத்தை அழைத்து சென்றார்.
ஆனாலும் டெல்லி பாஜ வட்டாரத்தில் தனக்கு சாதகமான சூழல் நிலவாததால் மிகவும் இறுக்கமான முகத்துடன் எடப்பாடி பழனிச்சாமி மீண்டும் தமிழகத்துக்கு திரும்பினார்.
இந்த விவகாரம்தான் தற்போது அதிமுகவில் பூதாகரமாக வெடித்து இருக்கிறது. ஜெயலலிதா காலத்திலேயே அதிமுகவின் டெல்லி முகமாக இருந்தது முன்னாள் பாராளுமன்ற துணை சபாநாயகர் தம்பிதுரை.
ஜெயலலிதாவின் மறைவுக்கு பிறகு சசிகலாவின் தீவிர விசுவாசியாக இருந்த தம்பிதுரை அதிமுகவில் கலகம் ஏற்பட்டபோது, எடப்பாடி பழனிசாமியின் பக்கம் திரும்பினார்.
அப்படி இருக்கும்போது டெல்லியில் பழம் தின்று கொட்டை போட தெரிந்த தன்னை அழைத்து செல்லாமல் விழுப்புரம் வட்டத்தில் பாலிடிக்ஸ் செய்து கொண்டு சர்ச்சைகளில் சிக்கி வரும் சி.வி.சண்முகத்தை டெல்லிக்கு அழைத்து சென்றது ஏன்? என எடப்பாடியை சந்தித்து தம்பிதுரை கேட்டுள்ளார்.
இதற்கு எவ்வித பதிலும் கூறாததோடு அது தொடர்பாக விளக்கமும் அளிக்காமல் தம்பிதுரையின் கேள்வியை கண்டுகொள்ளாமல் எடப்பாடி புறக்கணித்ததாக கூறப்படுகிறது.
இதனால், செம டென்ஷன் ஆன தம்பி துரை அங்கிருந்து வெளியேறிவிட்டதாகவும், இது அவரது ஆதரவாளர்களின் வட்டாரத்திலும், மன வருத்தத்தை ஏற்படுத்தி உள்ளதாகவும் நம்பத்தகுந்த வட்டாரங்கள் கிசுகிசுக்கின்றன.