பள்ளி வாகனங்களில் விதிமுறைகளை முறையாகப் பின்பற்றவும் உயர்நீதிமன்ற உத்தரவை அமல்படுத்தவும் கோரிய வழக்கு
பள்ளி வாகனங்களுக்கு என பல்வேறு விதிமுறைகள் உள்ளது. ஆனால் பள்ளிக் குழந்தைகளை ஏற்றிச்செல்லும் ஆட்டோக்கள், ரிக்சாக்கள் போன்ற வாகனங்களுக்கு என்ன விதிமுறைகள் உள்ளது? இது மிக முக்கிய பிரச்சனை – நீதிபதிகள்
அரசு பள்ளி, அரசு உதவி பெறும் பள்ளி மற்றும் தனியார் பள்ளி ஆகியவற்றில் ஒரே மாதிரியான வாகன விதிமுறைகள் இருக்க வேண்டும். – நீதிபதிகள்
கோவை சம்பவம்: NIA விசாரணை ஏன்? வைகோ பேச்சு!
நாகர்கோயிலைச் சேர்ந்த சுயம்புலிங்கம் உயர்நீதிமன்ற மதுரைக் கிளையில் பொதுநல மனுவினை தாக்கல் செய்திருந்தார். அதில், “தமிழகத்தில் அரசு பள்ளிகள், அரசு உதவி பெறும் பள்ளிகள் மற்றும் தனியார் பள்ளிகள் செயல்பட்டு வருகிறது. 2012 ஆம் ஆண்டு தமிழ்நாடு அரசால் கல்வி நிறுவன வாகன விதிகள் சட்டம் அமல்படுத்தப்பட்டது.
இதன்படி அரசு மற்றும் தனியார் பள்ளிகள் தங்கள் வாகனங்களை முறையாக பராமரிக்க வேண்டும், பள்ளி வாகனங்கள் மஞ்சள் நிறத்தில் இருக்க வேண்டும், வேக கட்டுப்பாட்டு கருவி பொருத்தப்பட்டிருக்க வேண்டும். என பல்வேறு விதிகள் உள்ளது.
ஆனாலும் கல்வி வாகனங்களில் அதிகளவு மாணவர்களை ஏற்றுவது, வாகனங்களை முறையாக பராமரிக்காமல் இருப்பது, வாகனங்களில் பள்ளியின் பெயர் குறிப்பிடாமல் இருப்பது, மாணவர்களை கண்காணிக்க போதிய நடத்துனர் இல்லாமல் இருப்பது போன்ற பல்வேறு முறையற்ற செயல்பாடுகளில் கல்வி நிறுவனங்கள் ஈடுபடுகின்றனர்.
இதுகுறித்து உயர் நீதிமன்றத்தில் வழக்கு தொடரப்பட்டு கல்வி நிறுவன வாகனங்களில் சிசிடிவி கேமரா பொருத்தப்பட வேண்டும் என பல்வேறு உத்தரவுகள் பிறப்பிக்கப்பட்டது.
இருந்தும் தற்போது வரை கன்னியாகுமரியில் உள்ள தனியார் பள்ளிகளில் முறையாக வாகனங்களை பராமரிக்காமல் இருப்பது போன்ற நடைமுறைகள் தற்போதும் இருந்து வருகிறது.
எனவே, பள்ளி நிறுவன வாகனங்கள் விதிகளை முறையாக பின்பற்றவும் உயர்நீதிமன்ற உத்தரவை முறையாக அமல்படுத்தவும் உத்தரவிட வேண்டும்.” என மனுவில் கூறியிருந்தார்.
இந்த மனு நீதிபதிகள் மகாதேவன் மற்றும் சத்தியநாராயண பிரசாத் அமர்வு முன்பு விசாரணைக்கு வந்தது.
அப்போது நீதிபதிகள்; அரசு பள்ளிகள், அரசு உதவி பெறும் பள்ளிகள் மற்றும் தனியார் பள்ளிகள் ஆகியவற்றில் ஒரே மாதிரியான வாகன விதிமுறைகள் இருக்க வேண்டும்.
குழந்தைகளை பள்ளிக்கு ஆட்டோக்கள் மற்றும் ரிக்சாக்கள் மூலம் எவ்வாறு அனுப்புகின்றனர் இதனை பள்ளிகள் எவ்வாறு ஏற்கின்றனர். இது போன்ற செயல்களை நீதிமன்றம் ஏற்காது.
பள்ளி வாகனங்களுக்கு என பல்வேறு விதிமுறைகள் உள்ளது. ஆனால் பள்ளிக் குழந்தைகளை ஏற்றிச்செல்லும் ஆட்டோக்கள், ரிக்சாக்கள் போன்ற வாகனங்களுக்கு என்ன விதிமுறைகள் உள்ளது? இது மிக முக்கிய பிரச்சனை என கூறி வழக்கு குறித்து பள்ளிக்கல்வித்துறை சார்பில் தகவல் பெற்று தெரிவிக்க உத்தரவிட்டு வழக்கு விசாரணையை 3 வாரத்திற்கு ஒத்திவைத்தனர்.