புதுடில்லி : புதுடில்லியில், துப்பாக்கியை காட்டி மிரட்டி சொகுசு காரை பறித்துச் சென்றவர்களை போலீசார் தேடி வருகின்றனர்.
புதுடில்லியில் உள்ள தேசிய நெடுஞ்சாலையில் நேற்று முன் தினம் அதிகாலை 5:00 மணிக்கு, உத்தர பிரதேசத்தின் மீரட் மாவட்டத்தைச் சேர்ந்த ராகுல்,35, என்பவர் தன் ‘டொயட்டோ’ சொகுசு காரில் வந்தார். ஜஹீரா என்ற இடத்தில் சாலையோரத்தில் வண்டியை நிறுத்தி அங்குள்ள டீ கடை ஒன்றுக்கு சென்றார்.
அப்போது மோட்டார் பைக்கில் வந்த மூவர், அவரை துப்பாக்கியை காட்டி மிரட்டி கார் சாவியை பறித்தனர். பின், இருவர் அந்த காரை ஓட்டிச் சென்றனர். மற்றொருவர் பைக்கில் அதை பின் தொடர்ந்து சென்று விட்டார். அங்கிருந்த கண்காணிப்பு கேமராவில் பதிவான இந்தக் காட்சிகள் சமூக வலைதளங்களில் வேகமாக பரவி வருகின்றன.
இதுகுறித்து, ராகுல் கொடுத்த புகாரின் பேரில், போலீசார் வழக்குப் பதிவு செய்து காரை பறித்துச் சென்ற மூவரை தேடி வருகின்றனர்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement