மழை இல்லாத மாலத் தீவில் ரகுல் ப்ரீத்தின் விடுமுறை
இந்திய நடிகைகளையும், மாலத் தீவையும் பிரிக்க முடியாது என்றாகிவிட்டது. படப்பிடிப்பில் சிறு இடைவெளி கிடைத்தாலும், அதை விடுமுறைக் கொண்டாட்டமாக மாலத் தீவிற்குச் செல்வது என நமது நடிகைகள் வழக்கமாக்கிவிட்டார்கள். அந்த வரிசையில் தற்போது மாலத் தீவில் விடுமுறையைக் கொண்டாடி வருபவர் ரகுல் ப்ரீத் சிங்.
ஷங்கர் இயக்கத்தில், கமல்ஹாசன் நடிக்கும் 'இந்தியன் 2' படத்தில் ரகுல் ப்ரீத்தும் நடிக்கிறார். ஆனால், மீண்டும் ஆரம்பமான படப்பிடிப்பில் காஜல் அகர்வால் கலந்து கொண்ட செய்திதான் வெளியானது. ரகுல் இன்னும் கலந்து கொள்ளாமல்தான் இருக்கிறார். ஒருவேளை அவருடைய படப்பிடிப்பு ஆரம்பமாவதற்கு முன்பு புத்துணர்ச்சிக்காக இப்படி விடுமுறைக்கு மாலத் தீவிற்கு சென்றிருக்கலாம்.
கடந்த இரண்டு நாட்களாக மாலத் தீவில் ரகுல் ப்ரீத் எடுத்து வெளியிடும் புகைப்படங்கள் கடற்கரை புகைப்படங்களாகவும், நீச்சல் குள புகைப்படங்களாகவும்தான் உள்ளன. இங்கு நமக்கு மழை ஆரம்பித்திருக்க மழை இல்லாத மாலத்தீவில் மகிழ்ச்சியாக விடுமுறை கொண்டாடி, தனது புகைப்படங்களால் ரசிகர்களையும் மகிழ்ச்சியில் ஆழ்த்தி வருகிறார் ரகுல் ப்ரீத்.