டெல்லி: பாலியல் வழக்குகளில் பெண்ணின் அந்தரங்க உறுப்பில் இரு விரல் பரிசோதனைக்கு தடை விதித்துள்ள உச்சநீதிமன்றம், அவ்வாறு செய்வோர் தவறான நடத்தை குற்றவாளிகள் என்று உச்சநீதிமன்றம் பரபரப்பை தீர்ப்பை வழங்கிஉள்ளது.
பாலியல் வழக்குகளில் பாதிக்கப்பட்ட பெண்ணின் அந்தரங்க உறுப்பில், இரு விரல் பரிசோதனை செய்யும் நடைமுறை உள்ளது. பெண்ணுறுப்பில் ‘ஹைமன்’ (கன்னித்திரை) என்ற சவ்வு இருக்கும். அந்த சவ்வு கிழிந்துள்ளதா?, இல்லை… கிழியாமல் அப்படியே இருக்கிறதா? என்று இரு விரல்களை உள்விட்டு சோதனை நடத்தும் நடைமுறை நாடு முழுவதும் தொடர்ந்து வருகிறது. இதுபோன்ற நடவடிக்கைகளை எதிர்த்து தொடரப்பட்ட வழக்கை விசாரித்த உச்சநீதிமன்ற நீதிபதிகள் சந்திரசூட் தலைமையிலான அமர்வு அதிரடி தீர்ப்பை வழங்கி உள்ளது.
உச்ச நீதிமன்றத்தின் தீர்ப்பில், இதுபோன்ற சோதனை முறையானது தனியுரிமை மீறல் என்று கடந்த 2013ம் ஆண்டு உச்ச நீதிமன்றம் கூறி இருப்பதை சுட்டிக்காட்டியதுடன், ஒரு பெண்ணின் கண்ணியம் மற்றும் தனியுரிமையை மீறுவதாக ஆக்கிரமிப்பு “இரண்டு விரல் சோதனை” என்று கடுமையாக சாடியுள்ளது.
“இந்த நடைமுறை இன்றும் நடைமுறையில் இருப்பது துரதிர்ஷ்டவசமானது… யோனி தளர்ச்சியை சோதிக்கும் செயல்முறை பெண்களின் கண்ணியத்திற்கு ஒரு முன்னோடியாகும். பாலியல் செயலில் ஈடுபடும் பெண்ணை பலாத்காரம் செய்ய முடியாது என்றும் குறிப்பிட்டுள்ளது. இரண்டு விரல் சோதனையை நடத்தும் எந்தவொரு நபரும் தவறான நடத்தைக்கு குற்றவாளியாக கருதப்படுவார்கள். அரசு மற்றும் தனியார் மருத்துவக் கல்லூரிகளின் பாடத்திட்டத்தில் இருந்து இருவிரல் பரிசோதனைக்கான ஆய்வுப் பொருட்களை நீக்க நடவடிக்கை எடுக்குமாறு மத்திய மற்றும் மாநில சுகாதாரத்துறை செயலர்களுக்கு உத்தரவிடப்பட்டுள்ளது.
இதுபோன்ற சோதனைகள் பாலியல் வன்கொடுமைக்கு ஆளானவர்களுக்கு மன உளைச்சலை ஏற்படுத்தும். இதுதொடர்பான மருத்துவ சான்றிதழ்களும் தேவையான ஒன்றும் கிடையாது. இதுவொரு ஆணாதிக்க அடிப்படையில் செய்யப்படும் பரிசோதனையாகும். இதுவும் ஒருவிதமான பாலியல் ரீதியான துன்புறுத்தல் வகை தான். பாலியல் பலாத்கார சம்பவங்களில் பாதிக்கப்பட்டவர்கள், இதுபோன்ற சோதனைகளில் உட்படுத்தப்படவில்லை என்பதை ஒன்றிய சுகாதார அமைச்சகம் உறுதிப்படுத்த வேண்டும். தொடர்ந்து அதனை கண்காணிக்க வேண்டும்.
இது மத்திய மற்றும் மாநில அரசு அதிகாரிகளுக்கு பல வழிகாட்டுதல்களை வழங்கியது மற்றும் “இரண்டு விரல் சோதனை” நடத்தப்படாமல் இருப்பதை உறுதி செய்யுமாறு மாநிலங்களின் டிஜிபிகள் மற்றும் சுகாதார செயலாளர்களை கேட்டுக் கொண்டது.