1990களில் ரசிகர்கள் பலரின் கனவுக் கன்னியாக வலம் வந்த, உள்ளத்தை அள்ளித்தா என்ற திரைப்படம் மூலம் அறிமுகம் ஆன நடிகை ரம்பா சென்ற கார் விபத்தில் சிக்கியது.
இவர் கனடா நாட்டின் தொழில் அதிபர் இந்திரன் பத்மநாபன் என்பவரை திருமணம் செய்து கொண்டார். அவர்களுக்கு மூன்று குழந்தைகள் உள்ளனர். ரம்பா கணவர் மற்றும் குழந்தைகளுடன் கூடிய புகைப்படங்களை அவ்வப்போது சமூக வலைத்தளத்தில் பதிவு செய்வார்.
இந்த நிலையில் நேற்று ரம்பா தான் சென்ற கார் விபத்துக்கு உள்ளானதாக தனது சமூக வலைத்தளத்தில் தெரிவித்துள்ளார். பள்ளியில் இருந்து குழந்தைகளை வீட்டுக்கு அழைத்து வரும்போது கார் விபத்துக்குள்ளானதாக குறிப்பிட்டுள்ளார்.
இந்த விபத்தில் தானும் தனது குழந்தைகளும் சிறிய காயத்துடன் உயிர் தப்பியதாகவும், ஆனால் அதே நேரத்தில் தனது குழந்தை சாஷா மட்டும் மருத்துவமனையில் அனுமதிக்கப்பட்டு சிகிச்சை பெற்று வருவதாகவும் அவர் விரைவில் குணமாக பிரார்த்தனை செய்யுங்கள் என்றும் கேட்டு கொண்டுள்ளார்.
newstm.in