கன்கெர் சத்தீஸ்கர் மாநிலத்தில் நீண்ட காலமாக தேடப்பட்டு வந்த இரண்டு நக்சல்கள், பாதுகாப்பு படையினருடன் நடந்த துப்பாக்கிச் சண்டையில் சுட்டுக் கொல்லப்பட்டனர்.
சத்தீஸ்கரில் நக்சல்களின் ஆதிக்கத்தை ஒழிக்க, பாதுகாப்பு படை தீவிர நடவடிக்கை எடுத்து வருகிறது. இதற்கிடையே, நக்சல் இயக்கத்தின் வடக்கு பஸ்தார் பிரிவு கமிட்டி உறுப்பினர், தர்ஷன் பத்தா, 32, அதிரடி குழு தளபதியாகச் செயல்பட்ட ஜகேஷ் சலாம், 23, ஆகிய இருவரையும் போலீசார் நீண்ட காலமாக தேடி வந்தனர்.
இதில், தர்ஷன் பற்றி துப்பு கொடுத்தால் 8 லட்சம் ரூபாயும், ஜகேஷுக்கு 5 லட்சம் ரூபாயும் பரிசு தருவதாக அரசால் அறிவிக்கப்பட்டு இருந்தது.
இந்நிலையில், காட்மே என்ற மலைக்கிராமத்தில் நேற்று அதிகாலை 3:00 மணிக்கு பாதுகாப்பு படையினர் தேடுதல் வேட்டை நடத்திய போது, அவர்களுக்கும், மறைந்திருந்த நக்சல் குழுக்களுக்கும் இடையே துப்பாக்கிச் சண்டை நடந்தது. இதில், தர்ஷன், ஜகேஷ் ஆகிய இருவரும் சுட்டுக் கொல்லப்பட்டனர்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement