கனடாவில் கார் விபத்து : லேசான காயத்துடன் தப்பிய ரம்பா, குழந்தைகள்
தமிழ் சினிமாவில் 90களில் முன்னணி நடிகைகளில் ஒருவராக இருந்தவர் ரம்பா. திருமணம் செய்து கொண்டு கனடாவில் செட்டிலாகிவிட்டார். தனது குழந்தைகளை பள்ளியில் இருந்து திரும்ப அழைத்து வரும் போது அவரது கார் விபத்தில் சிக்கியுள்ளது. இதில் காரின் முன் பக்கம் சேதமடைந்துள்ளது.
விபத்தில் சிக்கிய காரின் புகைப்படங்களைப் பகிர்ந்து ரம்பா டுவிட்டரில், “குழந்தைகளை பள்ளியிலிருந்து அழைத்து வரும் வழியில் ஒரு சந்திப்பில் எங்கள் கார் மீது மற்றொரு கார் மோதியது. நான், எனது குழந்தைகள், செவிலித் தாய் ஆகியோருக்கு லேசான காயம். ஆனாலும், பாதுகாப்பாக இருக்கிறோம். எனது குட்டி சாஷா இன்னும் மருத்துவமனையில்தான் இருக்கிறாள். மோசமான நாட்கள், மோசமான நேரம், எங்களுக்காக பிரார்த்தனை செய்யுங்கள், உங்கள் பிரார்த்தனைகளுக்கு நிறைய அர்த்தம் உள்ளது,” என்று குறிப்பிட்டுள்ளார்.