வடகொரியாவின் அச்சுறுத்தல்களுக்கு மத்தியிலும் அமெரிக்கா மற்றும் தென்கொரியா படைகள் கொரிய எல்லையில் தொடர்ந்து போர் பயிற்சியில் ஈடுபட்டு வருகின்றன.
இதற்கு எதிர்ப்பு தெரிவிக்கும் விதமாக வடகொரியா தொடர்ச்சியாக ஏவுகணைகளை ஏவி சோதித்து வருகிறது. ஆனாலும், அமெரிக்கா மற்றும் தென்கொரியா விமானப்படைகள் மிகப்பெரிய கூட்டுப்பயிற்சியை தொடங்கி நடத்தி வருகின்றன.
கொரிய எல்லையில் இரு நாட்டு விமானப்படைகளையும் சேர்ந்த நூற்றுக்கணக்கான விமானங்கள் 24 மணி நேரமும் கூட்டுப்பயிற்சியில் மும்முரமாக ஈடுபட்டு வருகின்றன.
ரேஷன் கார்டுதாரர்கள் ஹேப்பி; பொங்கலுக்கு சூப்பர் அறிவிப்பு!
இதற்கிடையில் தென்கொரியாவுடன் இணைந்து நடத்தும் கூட்டுப் போர் பயிற்சியை நிறுத்தாவிட்டால் அமெரிக்காவுக்கு கடுமையான பதிலடி கொடுக்கப்படும் என்றும், வடகொரியா பகிரங்கமாக எச்சரிக்கை விடுத்து இருந்தது.
இந்த நிலையில் வடகொரியா இன்று மீண்டும் பாலிஸ்டிக் ஏவுகணை சோதனை நடத்தியதாக, தென் கொரியா தெரிவித்துள்ளது. இந்த ஏவுகணை கடல் பகுதியை நோக்கி சீறி பாய்ந்ததாக தெரிவித்துள்ளது.
இந்நிலையில் இன்று வடகொரியா ஒரேநாளில் 23 ஏவுகணைகளை ஏவி அதிரடியாக சோதனை நடத்தி இருப்பது தற்போது வெளிச்சத்துக்கு வந்துள்ளது. காலை 17 ஏவுகணைகள் மற்றும் நண்பகல் 6 ஏவுகணைகள் என மொத்தம் 23 ஏவுகணைகளை ஏவி வடகொரியா மிரட்டி இருக்கிறது.
முதல்வர் செம சூப்பர் தகவல்; குடும்ப தலைவிகள் ஹேப்பி!
அதுமட்டும் இல்லாமல் 100க்கும் மேற்பட்ட பீரங்கிக் குண்டுகளை பதற்றம் நிறைந்த கிழக்கு கடற்பகுதியில் வீசி வட கொரியா சோதனை நடத்தி இருப்பதாகவும் தெரிகொரியா தெரிவித்துள்ளது.
வடகொரியா ஏவுகணை சோதனை நடத்திய அதே பகுதியில் தென்கொரியாவும் ஏவுகணை ஏவி பதிலடி கொடுத்துள்ளது. இரு நாடுகளும் அடுத்தடுத்து ஏவுகணை சோதனை நடத்தி வருவதால் கொரிய தீபகற்பத்தில் உச்சக்கட்ட பதற்றம் அதிகரித்துள்ளது.