வடகிழக்கு பருவமழையின் ஆரம்பமே அதிரடியாக தொடங்கியிருக்கிறது. பருவமழை தொடங்கிய இந்த சில நாள்களில் தமிழகத்தில் பல்வேறு மாவட்டங்களில் தொடர்ந்து
கனமழை
பெய்து வருகிறது.
சென்னையில் கடந்த இரு தினங்களாக கொட்டித்தீர்த்த மழை கொஞ்சம் ஓய்வு கொடுத்துள்ளது. கடலூர், விழுப்புரம், புதுச்சேரி, டெல்டா மாவட்டங்கள், ராமநாதபுரம், விருதுநகர், தூத்துக்குடி உள்ளிட்ட பல மாவட்டங்களிலும் மழை தனது ஆட்டத்தை நிறுத்தாமல் ஆடி வருகிறது.
கனமழை காரணமாக மாவட்ட ஆட்சியர்கள் பள்ளிகள், கல்லூரிகளுக்கு விடுமுறை அறிவித்து வருகின்றனர்.
கடலூர் மாவட்டத்தில் பெய்துவரும் கனமழை காரணமாக பள்ளிகள், கல்லூரிகளுக்கு மட்டும் விடுமுறை அறிவித்து மாவட்ட ஆட்சியர் உத்தரவிட்டுள்ளார்.
மயிலாடுதுறை மாவட்டத்தில் பள்ளிகள், கல்லூரிகளுக்கு விடுமுறை அறிவித்து மாவட்ட நிர்வாகம் உத்தரவு பிறப்பித்துள்ளது.
விழுப்புரம் மாவட்டத்தில் பள்ளிகளுக்கு மட்டும் இன்று ஒரு நாள் விடுமுறை அறிவிக்கப்பட்டுள்ளது.
புதுச்சேரி, காரைக்கால் பகுதிகளில் இன்று அரசு மற்றும் தனியார் பள்ளிகளுக்கு விடுமுறை அளிக்கப்பட்டுள்ளது.