பொருளாதாரத்தில் முன்னேறிய வகுப்பினருக்கு 10 சதவீத இட ஒதுக்கீடு வழங்குவது தொடர்பான வழக்கு விசாரணை உச்சநீதிமன்ற அரசியல் சாசன அமர்வில் நடைபெற்று வந்தது.
உச்சநீதிமன்ற தலைமை நீதிபதி யு.யு.லலித், தினேஷ் மகேஸ்வரி, எஸ்.ரவீந்திர பட், பீலா எம்.திரிவேதி, ஜேபி. பர்டிவாலா ஆகிய ஐந்து நீதிபதிகள் அடங்கிய அமர்வு இன்று தீர்ப்பை வழங்கியது.
இதில் தினேஷ் மகேஸ்வரி, பெலா எம்.திரிவேதி, ஜேபி. பர்டிவாலா ஆகிய மூன்று பேரும்
பொருளாதாரத்தில் முன்னேறிய வகுப்பினருக்கு 10 சதவீத இட ஒதுக்கீடு செல்லும் என்று தீர்ப்பு வழங்கியுள்ளனர்.
உச்சநீதிமன்ற தலைமை நீதிபதி யு.யு.லலித், நீதிபதி எஸ்.ரவீந்திர பட் ஆகிய இருவர் இந்த பத்து சதவீத இட ஒதுக்கீடு செல்லாது என்று தீர்ப்பு வழங்கியுள்ளனர்.
நீதிபதி எஸ்.ரவீந்திர பட் தனது தீர்ப்பில் 10 சதவீத இட ஒதுக்கீடு அரசியல் சாசனத்துக்கு எதிரானது என கூறியுள்ளார்.
உச்சநீதிமன்ற தலைமை நீதிபதி யு.யு.லலித், நீதிபதி எஸ்.ரவீந்திர பட் கருத்துடன் முழுவதும் ஒத்துப்போகிறேன் என்று கூறியுள்ளார்.
நீதிபதி தினேஷ் மகேஸ்வரி தனது தீர்ப்பில், “50 சதவீத உச்ச வரம்பை 10 சதவீத இட ஒதுக்கீடு மீறவில்லை. சமூக சமத்துவத்துக்கு எதிராக 10 சதவீத இடஒதுக்கீடு வழங்கப்படவில்லை. அனைவரும் இலக்குகளை அடைய தேவையான கருவியாக இட ஒதுக்கீடு பயன்படுகிறது” என்று கூறியுள்ளார்.
நீதிபதி பர்வாலா, “ஆதாயத்திற்காக இட ஒதுக்கீடு வழங்கப்படுவது நிறுத்தப்பட வேண்டும்” என்று கூறியுள்ளார்.
பெலா திரிவேதி, “சமூகத்தின் முன்னேற்றத்திற்காக இட ஒதுக்கீட்டு முறை பற்றி நாம் மறு ஆய்வு செய்ய வேண்டும்” என்று தெரிவித்தார்.