உலகம் முழுவதும் வேலை செய்ய ஏற்ற சிறந்த நிறுவனங்கள் பட்டியல் ஒன்றை அமெரிக்காவை சேர்ந்த பிரபல Forbes பத்திரிகை வெளியிட்டுள்ளது. இந்த பட்டியல் வெளியாக முக்கிய காரணம் தற்போது ட்விட்டர் போன்ற நிறுவனங்களின் அதிரடி நடவடிக்கைகளே ஆகும்.
உலகின் நம்பர் 1 பணக்காரராக உள்ள எலன் மஸ்க் ட்விட்டர் நிறுவனத்தை வாங்கியுள்ளார். அவர் வாங்கியதும் பலரை அதிரடியாக வேலையே விட்டு நீக்கியுள்ளார். ட்விட்டர் நிறுவனத்தை தொடர்ந்து உலகின் முன்னணி டெக் நிறுவனமான Meta அதேபோன்ற விஷயத்தை செய்யவுள்ளது.
இதனால் IT துறையே சற்று ஆடிப்போயுள்ளது. ஏனென்றால் என்னதான் நேற்று லட்சங்களிலும் கோடிகளிலும் சம்பளம் வாங்கினாலும் இன்று பலர் வேலை இல்லாமல் உள்ளனர். எப்போது வேலை பறிபோகும் என்பது தெரியவில்லை என்று IT ஊழியர்கள் மிகவும் குழப்பம் அடைந்துள்ளனர்.
ஆனால் இவ்வளவு பிரச்சனைகளுக்கு மத்தியில் சில முன்னணி நிறுவனங்கள் இன்னும் அதே பணியாளர்களுடன் இணைந்து நிறுவனம் நடத்திவருகின்றன. அப்படி நாம் மகிழ்ச்சியாக வேலை செய்ய உலகின் தலைசிறந்த நிறுவனங்களின் பட்டியலை இந்த பதிவில் காணலாம்.
1.Samsung
உலகிலேயே தலைசிறந்த நிறுவனமாக சாம்சங் நிறுவனம் உள்ளது. இந்த நிறுவனம் தென் கொரியாவை சேர்ந்த நிறுவனம் ஆகும். எலக்ட்ரானிக் பொருட்கள் விற்பனை மற்றும் டெக் துறையில் ஆதிக்கம் செய்யும் இந்த நிறுவனத்தில் 2,66,673 ஊழியர்கள் உலகம் முழுவதும் வேலை செய்கிறார்கள்.
2.Microsoft
பல ஆண்டுகளாக கணினி மற்றும் மென்பொருள் துறையில் அதிகம் செலுத்தும் இந்த நிறுவனம் இரண்டாவது இடத்தில் உள்ளது. இந்த நிறுவனம் அமெரிக்காவை சேர்ந்த நிறுவனம் ஆகும். இந்த நிறுவனத்தில் 2,21,000 ஊழியர்கள் வேலை செய்கிறார்கள்.
3.IBM
மிகவும் பழமையான கணினி மற்றும் மென்பொருள் நிறுவனமான IBM அமரிசிவை சேர்ந்த ஒரு நிறுவனம் ஆகும். இந்த நிறுவனத்தில் 2,50,000 ஊழியர்கள் வேலை செய்கிறார்கள்.
4.Alphabet
Google நிறுவனத்தின் தாய் நிறுவனமாக உள்ள Alphabet இந்த பட்டியலில் நான்காவது இடத்தில் உள்ளது. இந்த நிறுவனம் Google, Youtube போன்ற முன்னணி நிறுவனங்களை கையில் வைத்துள்ளது. இந்த நிறுவனத்தில் 1,56,500 ஊழியர்கள் வேலை செய்கிறார்கள்.
5.Apple
பெரிதும் எதிர்பார்க்கப்பட்ட
Apple
நிறுவனம் இந்த பட்டியலில் ஐந்தாவது இடத்தை பிடித்துள்ளது.இந்த நிறுவனத்தில் 1,54,000 ஊழியர்கள் வேலை செய்கிறார்கள்.
6.Delta Airlines
அமெரிக்காவின் பிரபல டெல்டா ஏர்லைன்ஸ் இந்த பட்டியலில் ஆறாவது இடத்தை பிடித்துள்ளது. இந்த நிறுவனத்தின் ஊழியர்கள் எண்ணிக்கை 80,000 ஆயிரம் ஆகும்.
Twitter Blue இந்தியாவில் எப்போது? பதில் கூறிய Elon Musk!
7.Costco Wholesale
வீடு மற்றும் அலுவலர்களுக்கு தேவைப்படும் பொருட்களை விற்பனை செய்யும் இந்த நிறுவனம் இந்த பட்டியலில் ஏழாவது இடத்தை பிடித்துள்ளது. இந்த நிறுவனம் 2,88,000 ஊழியர்களை கொண்டுள்ளது.
8.Adobe
அமெரிக்காவை சேர்ந்த கணினி மென்பொருள் நிறுவனமான Adobe இந்த பட்டியலில் எட்டாவது இடத்தில் உள்ளது. இந்த நிறுவனத்தில் மொத்தமாக 25,988 ஊழியர்கள் வேலை செய்கிறார்கள்.
Twitter பயனாளிகளுக்கு அடுத்த அதிர்ச்சி! Elon Musk கின் அடுத்த திட்டங்கள்!
9.Southwest Airlines
மற்றொரு விமான போக்குவரத்து நிறுவனமான இந்த சவுத் வெஸ்ட் ஏர்லைன்ஸ் நிறுவனம் பட்டியலில் ஒன்பதாவது இடத்தை பிடிக்கிறது. இங்கு மொத்தமாக 55,093 ஊழியர்கள் வேலை செய்கிறார்கள்.
10.Dell technologies
அமெரிக்காவை சேர்ந்த முன்னை டெக் நிறுவனமான dell பத்தாவது இடத்தில் உள்ளது. இந்த நிறுவனம் 1,33,000 ஊழியர்களை கொண்டுள்ளது.
20.Reliance Group of Industries
இந்த பட்டியலில் முதல் 100 இடங்களில் 20வது இடத்தில் இடம்பிடித்துல முகேஷ் அம்பானியின் ரிலையன்ஸ் நிறுவனம் இந்த 100 இடங்களில் உள்ள ஒரே ஒரு இந்திய நிறுவனம் ஆகும். இந்த நிறுவனம் Jio Telecom, Petroleum, Education போன்ற பல துறைகளில் உள்ளது. இந்த நிறுவனத்தில் 2,30,000 ஊழியர்கள் வேலை செய்கிறார்கள்.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்