12 ஆண்டுகளுக்கு முன் கனடாவுக்கு புலம்பெயர்ந்த நாள் முதல், தொடர்ச்சியாக லொட்டரிச்சீட்டு வாங்கி வந்துள்ளார் ஒருவர்.
தற்போது அவருக்கு லொட்டரியில் 5 மில்லியன் டொலர்கள் பரிசு கிடைத்துள்ளது.
ஒன்ராறியோவில் வாழும் Marlon Llido (43), 12 ஆண்டுகளுக்கு முன் கனடாவுக்கு புலம்பெயர்ந்துள்ளார்.
அப்போதிருந்தே தொடர்ச்சியாக லொட்டரிச்சீட்டு வாங்கிவந்துள்ளார் அவர்.
இந்நிலையில், சமீபத்தில் அவருக்கு லொட்டரியில் பரிசு விழுந்துள்ளது. விழுந்த தொகை 5,000,030 டொலர்கள் என்று இருக்கவே, Marlon தனக்கு 5,000 டொலர்கள் பரிசு கிடைத்துள்ளதாக எண்ணி பெருமகிழ்ச்சி அடைந்துள்ளார்.
ஆனால், அவரது மனைவி கவனமாக பார்த்தபோதுதான் அது 5,000 டொலர்கள் அல்ல, 5 மில்லியன் டொலர்கள் என்பது தெரியவந்துள்ளது. 5,000க்கே உற்சாகத்தில் மிதந்த Marlonக்கு தனக்கு 5 மில்லியன் டொலர்கள் பரிசு விழுந்துள்ளது என்பது புரிந்ததும் கையும் காலும் புரியவில்லையாம். கணவனும் மனைவியும் ஒருவரை ஒருவர் கட்டிக்கொண்டு ஓவென கண்ணீர் விட்டார்களாம்.
இவ்வளவு பெரிய தொகை கிடைத்திருக்கிறதே, என்ன செய்யப்போகிறீர்கள் என்று Marlonஇடம் கேட்டால், எனக்கு என் குடும்பம்தான் முக்கியம். பிள்ளைகளின் எதிர்காலத்துக்காக கொஞ்சம் முதலீடு செய்யப்போகிறேன் என்று கூறும் Marlon, என்றாலும், பரிசு விழுந்ததைக் கொண்டாடவேண்டாமா? அதனால், குடும்பமாக ஒரு சுற்றுலா போகப்போகிறோம் என்கிறார்.