கர்நாடக மாநில அரசுப் பள்ளிகளில் பட்டதாரி ஆசிரியர்கள் நியமனத்துக்கான தேர்வை ஆசிரியர் தேர்வு வாரியம் விரைவில் நடத்த உள்ளது. இத்தேர்வில் பங்கேற்க லட்சகணக்கானோர் விண்ணப்பித்து தேர்வை ஆவலுடன் எதிர்பார்த்து காத்து கொண்டிருக்கின்றனர்.
இந்த நிலையில், விண்ணதார்களுக்கு தேர்வு அறை நுழைவுச் சீட்டுகள் (ஹால் டிக்கெட்) அனுப்பி வைக்கப்பட்டு வருகின்றன. இவற்றில் ஒரு பெண் விண்ணப்பதாரருக்கு வந்துள்ள ஹால்டிக்கெட் அவரை அதிர்ச்சியில் ஆழ்த்தி உள்ளது.
ஹால்டிக்கெட்டில் அவரது புகைப்படத்துக்கு பதிலாக, பிரபல பாலிவுட் நடிகை சன்னிலியோன் புகைப்படம் இடம்பெற்றிருந்ததுதான் இந்த அதிர்ச்சிக்கு காரணம். தற்போது சமூக வலைதளங்களில் இந்த ஹால்டிக்கெட் வைரலாகி வருகிறது.
ஆசிரியர் தேர்வு வாரிய பணியாளர்களின் கவனக்குறைவால் நிகழ்ந்த இந்த குளறுபடி குறித்து விசாரணைக்கு உத்தரவிடப்பட்டுள்ளதாக கர்நாடக மாநில அரசு வட்டாரங்கள் தெரிவித்துள்ளன.
ஆதார் அட்டைக்கான புகைப்படத்தில் விண்ணப்பதாரர்களின் அடையாளமே தெரியாதபடி புகைப்படங்கள் இடம்பெற்று வருவதாக ஏற்கெனவே குற்றச்சாட்டுகள் இருக்கும்போது, தற்போது ஆசிரியர் தேர்வு வாரியம் நடத்தும் தேர்வுக்கான ஹால் டிக்கெட்டில் நடிகையின் படம் இடம்பெற்றுள்ளது.