உலகின் முன்னணி பணக்காரர்களில் ஒருவரான எலான் மஸ்க், சமூக வலைதளமான ட்விட்டர் நிறுவனத்தை 44 பில்லியன் டாலருக்கு விலைக்கு வாங்கி தன் வசப்படுத்தியுள்ளார். ட்விட்டர் தன் வசமானதும் அதில் பல்வேறு மாற்றங்களை கொண்டு வரப்போவதாகவும் எலான் மஸ்க் ஏற்கனவே தெரிவித்திருந்தார். அந்த வகையில், பல்வேறு மாற்றங்கள் ட்விட்டர் நிறுவனத்தில் மேற்கொள்ளப்பட்டு வருகின்றன.
குறிப்பாக, ட்விட்டர் ஊழியர்கள் பாதிக்கும் மேல் வேலையை விட்டு நீக்கப்பட்டுள்ளனர். அதிகாரப்பூர்வ கணக்கான ப்ளூ டிக்கை பயன்படுத்த மாதம் 8 டாலர் கட்டணமாக வசூலிக்கப்படும் என எலான் மஸ்க் அறிவித்துள்ளார். இதற்கு பலரும் எதிர்ப்பு தெரிவித்தபோதும் கூட, கட்டணம் வசூலிக்கும் தனது முடிவில் எலான் மஸ்க் திட்டவட்டமாக உள்ளார். ட்விட்டர் ப்ளூ உறுப்பினர்களுக்கு மட்டுமே நீல நிற டிக் அம்சம் வழங்கப்படும் எனவும், ட்விட்டரில் சந்தா செலுத்தும் புதிய முறையின்படி, ட்வீட்களைத் எடிட் செய்யும் கூடுதல் அம்சங்கள் கொண்டு வரப்படவுள்ளதாகவும் தகவல்கள் வெளியாகி வருகின்றன.
இந்த நிலையில், ட்விட்டரைப் பயன்படுத்த அனைவருக்கும் சந்தாக் கட்டணத்தை வசூலிக்க எலான் மஸ்க் திட்டமிட்டுள்ளதாக தகவகல்கள் வெளியாகியுள்ளன. ‘பெரும்பாலான அல்லது அனைத்து பயனர்களுக்கும் ட்விட்டரைப் பயன்படுத்த சந்தாக் கட்டணம்’ வசூலிக்கவும், ப்ளூ டிக் மற்றும் பிற கூடுதல் அம்சங்களை பெற Twitter Blue-க்கு சந்தா கட்டணம் வசூலிக்கவும் எலான் மஸ்க் திட்டமிட்டுள்ளதாக அந்த தகவல்கள் கூறுகின்றன.
நவம்பர் 15..! – டொனால்டு ட்ரம்ப் சொல்லப் போகும் செய்தி என்ன?
ஒரு குறிப்பிட்ட காலத்திற்கு ட்விட்டரைப் பயன்படுத்தியதற்கு பிறகு, பயனர்கள் தொடர்ந்து ட்விட்டரை பயன்படுத்த சந்தா கட்டணம் செலுத்த கேட்டுக் கொள்ளப்படுவர் எனவும் தெரிகிறது. இது தொடர்பான யோசனை சமீபத்தில் நடைபெற்ற கூட்டத்தில் ஊழியர்களுடன் விவாதிக்கப்பட்டதாக இந்த விஷயத்தை நன்கு அறிந்த ஒருவர் கூறியதாக செய்திகள் வெளியாகியுள்ளன.
ட்விட்டருக்கான இந்த சந்தா திட்டத்தை கருத்தில் கொள்ள எலான் மஸ்க் தீவிரமாக திட்டமிட்டுள்ளாரா என்பது தெரியவில்லை. நிறுவனத்தின் குழு, புதிய சரிபார்ப்பு சந்தா அம்சம் பற்றி திட்டமிட்டு வருவதால், ட்விட்டர் சேவையை பெற அனைவரும் சந்தா செலுத்தும் திட்டம் இப்போதைக்கு செயல்பாட்டுக்கு வர வாய்ப்பில்லை எனவும் தெரிகிறது.