VLC Media Player தடையை நீக்கியது இந்திய அரசு! தடை செய்த காரணம் என்ன?

இந்தியாவில் பிரபலமாக இருந்த VLC Media Player கருவியை மீண்டும் அனுமதிக்க இந்திய அரசு உத்தரவிட்டுள்ளது. இதனை VideoLAN நிறுவனம் உறுதிசெய்துள்ளது. இந்த நிறுவனம் VLC Media Player செயலியை உருவாக்கிய நிறுவனம் ஆகும்.

இந்தியாவில் கடந்த பிப்ரவரி மாதம் முதல் பல இந்திய இணைய சேவை நிறுவனங்கள் இந்த VLC Media Player செயலியை தடை செய்தன. இதற்கு ஹாக்கர்கள் காரணம் என்று கூறின. இதுபற்றிய உண்மை கடந்த ஆகஸ்ட் மாதம் வெளியானது. இந்த செயலியை தடை செய்ததற்கான காரணத்தை இதுவரை அதிகாரபூர்வமாக இந்திய அரசு தெரிவிக்கவில்லை.

ஆனால் உண்மை காரணமாக சீனாவை சேர்ந்த ஹாக்கர்கள் இந்த ஆப் மூலம் இந்தியர்களின் டேட்டா முதலானவற்றை திருடுகிறார்கள் என்றும் அதன் காரணமாகவே இந்த செயலி முடக்கப்பட்டதாக தெரிகிறது.

இதுபற்றி வெளியான தகவல்களுக்கு மறுப்பு தெரிவித்த VLC Media Player நிறுவனம் VLC போலவே இருந்த வேறு ஒரு செயலியை வைத்து ஹாக்கர்கள் முயற்சி செய்ததாகவும் Play Store உள்ளே இருக்கும் VLC app யாரும் ஹாக் செய்யவில்லை என்று தெரிவித்துள்ளது.

தற்போது 9 மாதங்கள் சட்ட போராட்டத்திற்கு பிறகு மீண்டும் VLC செயலுக்கு அனுமதி கிடைத்துள்ளது. இதனை நாம் Apple Store, Google Play Store மற்றும் VLC Website போன்ற இடங்களில் மீண்டும் Download செய்துகொள்ளலாம்.

ஒரு காலத்தில் இந்தியாவில் பலரால் பயன்படுத்தப்பட்ட இந்த செயலி காலப்போக்கில் காணாமல் போனது. இதற்கு முக்கிய காரணம் Update இல்லாமலும் இதன் போட்டியாளர்களின் வளர்ச்சியே ஆகும்.

மேலும் இந்த ஆப் நிலைத்தன்மை இல்லாத Android மற்றும் iOS வெர்ஷன் கொண்டிருந்தது. இதன் காரணமாகவும் MX Player போன்ற வீடியோ பிளேயர் சந்தையில் முந்தி முழுதாக கைப்பற்றிவிட்டன. ஆனால் இன்றளவும் Desktop பயன்படுத்தியவர்களுக்கு மிகவும் பிடித்தமான Video Player என்றால் அது இந்த VLC மட்டுமே.

செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்