இந்தியாவில் முன்னணி ஆண்ட்ராய்டு ஸ்மார்ட்போன் விற்பனை நிறுவனமான Oppo நிறுவனம் அதன் 5G ஸ்மார்ட்போன்களில் இனி Jio True 5G வேலை செய்யும் என்று தெரிவித்துள்ளது.
இதனால் இனி ஒப்போ நிறுவனத்தின் அனைத்து 5G போன்களிலும் 5G இணைப்பு கிடைக்கும். குறிப்பாக Jio True 5G இனி வேலை செய்யும் என்பதால் ஜியோ சிம் பயன்படுத்தும் ஒப்போ வாடிகையாளர்கள் மகிழ்ச்சி அடைவார்கள்.
இந்த 5G இணைப்பு Software update மூலமாக ஏற்கனவே Reno 8, Reno 8 Pro, Reno 7, F21 Pro 5G, F19 Pro+, K10 மற்றும் A53S ஆகிய ஸ்மார்ட்போன்களுக்கு வழங்கப்பட்டுவிட்டது. இதனால் இந்தியாவில் 5G சேவை வசதி உள்ள நகரத்தில் வசிக்கும் ஒப்போ வாடிகையாளர்கள் தாராளமாக இந்த 5G சேவை பயன்படுத்தலாம்.
மாற்ற மாடல்களில் இனி வரும் காலங்களில் இந்த 5G அப்டேட் வழங்கப்படும் என்று ஒப்போ அறிவித்துள்ளது. ஜியோ நிறுவனம் வரும் 2023 ஆம் ஆண்டு டிசம்பர் மாதத்திற்குள் இந்தியாவில் உள்ள எல்லா மூளை முடுக்குகளில்
JIO True 5G சேவை
வழங்கப்படும் என்று அறிவித்துள்ளது.
இதுகுறித்து கருத்து தெரிவித்த ஒப்போ நிறுவனம் “ஜியோ நிறுவனத்துடன் இணைந்து
இந்த 5G சேவை
வழங்குவது மகிழ்ச்சி அளிப்பதாகவும் புதிய கண்டுபிடிப்புகளின் மூலம் வாடிகையாளர்களுக்கு தேவையான அனைத்து வசதிகளையும் ஒப்போ தொடர்ந்து செய்யும் என்று கூறியுள்ளது. மேலும் இனி வரும் அனைத்து Oppo போன்களிலும் இந்த 5G சேவை வழங்கப்படும்” என்றும் தெரிவித்துள்ளது.
என்ன வசதிகள் கிடைக்கும்?
இனி தனிப்பட்ட 5G இணைய சேவை மூலம் அதிகபட்ச வேகம், சிறந்த 5G வாய்ஸ் காலிங் வசதி, சிறந்த கனெக்டிவிட்டி பெறலாம்.பெரிய அளவு 5G அலைக்கற்றைகளான 700MHZ, 3500 MHZ, 26GHZ போன்றவற்றை பயன்படுத்தலாம்.4G நெட்ஒர்க் உதவி இல்லாமல் தனியாகவே அதிவேக இணைய சேவை பயன்படுத்தலாம்.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்