விஜய் ஹசாரே கிரிக்கெட் தொடரில் தமிழக வீரர் ஜெகதீசன் உலக சாதனை படைத்ததோடு ரோகித் சர்மாவின் சாதனையை தூள் தூளாக்கியுள்ளார்.
தமிழக வீரர் ஜெகதீசன்
விஜய் ஹசாரோ தொடர் தொடங்கும் முன் நடைபெற்ற ஐபிஎல் அணிகள் வீரர்களை விடுவித்தது. இதில் சிஎஸ்கே அணி ஜெகதீசன் உள்ளிட்ட வீரர்களை விடுவித்தது.
இதன் காரணமாக அதிருப்தியில் இருந்த ஜெகதீசன் அந்த வெறியை மைதானத்தில் காட்டினார்.
விஜய் ஹசாரே தொடரில் பங்கேற்ற அவர், தொடர்ந்து 4 சதங்களை விளாசினார்.
இதன் மூலம் விராட் கோலி, ருத்துராஜ் கெய்க்வாட் ஆகியோரின் சாதனையை ஜெகதீசன் சமன் செய்தார்.
இன்று தமிழக அணி, அருணாச்சல பிரதேச அணியை எதிர்கொண்டது.
இதிலும் 76 பந்துகளில் சதமடித்தார் ஜெகதீசன்.
BCCI/IPL
உலக சாதனை
உலக அளவில் தொடர்ந்து 5 முறை சதம் விளாசிய ஒரே வீரர் என்ற பெருமையை பெற்றார். தொடர்ந்து தனது ரன் அடிக்கும் வேகத்தை கார்களுக்கு கியர் மாற்றுவது போல் அதிகரித்த ஜெகதீசன், 114 பந்துகளில் இரட்டை சதம் விளாசி சாதனை படைத்தார்.
அதன் பிறகு ஒருநாள் கிரிக்கெட்டில் அதிக ரன்கள் விளாசிய ரோகித் சர்மாவின் சாதனையையும் ஜெகதீசன் முறியடித்தார். 141 பந்துகளை எதிர்கொண்ட ஜெகதீசன் 277 ரன்களை விளாசி, உலக அளவில் ஒருநாள் கிரிக்கெட்டில் அதிக ரன்கள் விளாசிய வீரர் என்ற சாதனையை படைத்தார்.
